ઓનલાઈન લીક થઈ 'બત્તી ગુલ મીટર ચાલૂ', આ રીતે જોઈ રહ્યા છે લોકો

I am Gujarat

શાહિદની ફિલ્મ ઓનલાઈન લીક થઈ

‘બત્તી ગુલ મીટર ચાલૂ’ ફિલ્મ રિલીઝ થયાના થોડા જ દિવસોમાં ફિલ્મ ઓનલાઈન લીક થઈ ગઈ છે. એવામાં માનવામાં આવી રહ્યું છે કે ફિલ્મના બિઝનેસ પર પ્રભાવ પડી શકે છે. જ્યાં કેટલીક ફિલ્મ ઈન્ટરનેટ પર લો ક્વોલિટીના પાઈરેટેડ વર્ઝનમાં ઉપબલ્ધ છે તો કેટલીક વેબસાઈટ્સ પર ‘બત્તી ગુલ મીટર ચાલૂ’ની HD ક્વોલિટીવાળી પ્રિન્ટ મૂવી બતાવવાની ઓફર કરી રહી છે. શાહિદ કપૂર અને શ્રદ્ધા કપૂર સ્ટારર ફિલ્મ બોક્સ ઓફિસ પર સારું પ્રદર્શન કરી રહી છે.

ફિલ્મ લીક થતા નિર્માતા શોકમાં

આ પહેલા પણ ‘ગ્રેટ ગ્રાન્ડ મસ્તી’, ‘સંજૂ’ અને ‘માંઝી- ધ માઉન્ટેન મેન’ જેવી ફિલ્મો રિલીઝ થયાના થોડા જ દિવસોમાં ઈન્ટરનેટ પર લીક થઈ ગઈ હતી. લીક થવાના કારણે ફિલ્મ નિર્માતાઓને ખૂબ નુકસાન વેઠવું પડ્યું હતું. હવે શ્રી નારાયણ સિંહના નિર્દેશનમાં બનેલી ફિલ્મ બત્તી ગુલ મીટર ચાલૂ ઓનલાઈન લીક થયા બાદ નિર્માતા શોકમાં છે. ફિલ્મમાં શાહિદ કપૂર, શ્રદ્ધા કપૂર ઉપરાંત યામી ગૌતમની લીડ રોલમાં છે.

શું છે ફિલ્મની સ્ટોરી

‘બત્તી ગુલ મીટર ચાલૂ’ની સ્ટોરી ઉત્તરાખંડના ટિહરી ગામના વિજળી સમસ્યા અને નકલી વિજળી બિલ પર આધારિત છે. ફિલ્મમાં શાહિદ કપૂરે સુશીલ નામના શખસનું પાત્ર ભજવ્યું છે, જે એક વકિલ છે. તો શ્રદ્ધા કપૂરે લોટી નામની એક યુવતીનું પાત્ર ભજવ્યું છે જે એક ફેશન ડિઝાઈનર છે. ફિલ્મમાં શાહિદ અને શ્રદ્ધા વચ્ચે કેમેસ્ટ્રીને સુંદર રીતે દર્શાવાઈ છે. આ કારણે ફિલ્મ દર્શકોને પસંદ આવી રહી છે. ફિલ્મે ઓપનિંગ ડે પર 6 કરોડ 76 લાખ રૂપિયાનો બિઝનેસ કર્યો હતો. રિલીઝના પાંચવા દિવસે ફિલ્મનું કુલ કલેક્શન 29 કરોડ 33 લાખ રૂપિયા થઈ ગયું છે.