બેફિકરેનું પહેલું ગીત રિલીઝ, 3 મિનિટના ગીતમાં 25 કિસ

‘રબને બના દી જોડી’ના 8 વર્ષ પછી આદિત્ય ચોપડા હવે ફરી એકવખત રાઈટર/ડાયરેક્ટર તરીકે પોતાની ચોથી ફિલ્મ ‘બેફિકરે’ લઈને આવી રહ્યા છે. કેટલાક મહિનાઓ પહેલા જ્યારે પેરિસમાં આ ફિલ્મનું શૂટિંગ ચાલી રહ્યું હતું, એ દરમિયાન આદિએ ફિલ્મનું પહેલું પોસ્ટર રિલીઝ કર્યુ હતું, જેમાં રણવીર અને વાણી એકબીજાને કિસ કરતા જોવા મળી રહ્યા હતા. ફિલ્મના બધા પોસ્ટરોમાં રણવીર અને વાણી એકબીજાને કિસ કરી રહ્યા હતા. એટલે, દરેકના મનમાં એક જ સવાલ હતો કે, પોસ્ટર રિલીઝ કરવાનું કારણ શું છે? આદિએ તેને જવાબ ફિલ્મનું પહેલું ગીત ‘લબોં કા કારોબાર…’ રિલીઝ કરીને આપ્યો છે. લગભગ સવા 3 મિનિટના ગીતમાં 25 અલગ-અલગ જોડીઓને કિસ કરતી દર્શાવાઈ છે. જોકે, આ ગીતમાં લીડ જોડીને બતાવાઈ નથી.

જુઓ, આ રહ્યું ગીત…
સોશયલ મીડિયા પર કેટલાક લોકો આ ગીતના વખાણ પણ કરી રહ્યા છે, તો કેટલાક લોકો તેના પ્રત્યે નારાજગી પણ વ્યક્ત કરી રહ્યા છે. કોઈએ પૂછ્યું કે આ ગીતમાં ઈમરાશ હાશમી ક્યાં છે? કોઈએ આને ફિલ્મની પબ્લિસિટી માટે અપનાવેલો ‘ચીપ ઉપાય’ કહ્યો છે. કોઈએ કહ્યું કે, આ ગીત જોઈ દિવંગત યશ યોપડાની આત્માને દુઃખ પહોંચતું હશે, તો કેટલાક લોકોએ અભીના આ ફિલ્મની સરખામણી યશરાજની ફ્લોપ ફિલ્મ ‘નીલ એન્ડ નિક્કી’ સાથે કરવાની શરૂ કરી દીધી.https://youtube.com/watch?v=o1naAWn2IsY+