બોલિવૂડ એક્ટ્રેસનો વિદેશી પતિ રૂ.1 કરોડના ડ્રગ્સ સાથે ઝડપાયો

મુંબઈઃ એન્ટિ નાર્કોટિક્સ સેલે એક ઓસ્ટ્રેલિયાન નાગરિક ડોક્ટર રેજા ફરેડૂન બોરહાનીની ધરપકડ કરી છે. તે બોલિવૂડ એક્ટ્રેસ અને મોડલ તોરા ખાસગીરનો પતિ છે. ડીસીપી શિવદીપ લાંડેએ જણાવ્યું કે આરોપી શુક્રવારે બાંદ્રાથી પકડાયો. તેની પાસેથી 31.5 ગ્રામ એલઅસડી ડ્રગ્સ જપ્ત કરવામાં આવ્યું. ઈન્ટરનેશનલ માર્કેટમાં તેની કિંમત 1 કરોડ 8 લાખ રૂપિયાથી વધારે છે. કોર્ટે એક્ટ્રેસના પતિને 27 નવેમ્બર સુધી કસ્ટડીમાં મોકલી દીધો છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:ડોક્ટર બોરહાની કેનાબિસ હેલ્થ એન્ડ સાયન્સ પ્રાઈવેટ લિમિટેડના સંસ્થાપક અને પ્રેસિડેન્ટ છે. તેનું નામ ગોવાની તમામ રેવ પાર્ટમાંથી સામે આવ્યું હતું. ત્યારથી પોલીસ તેને શોધી રહી હતી. શુક્રવારે જ્યારે તેના મુંબઈ આવવાની બાતમી મળી તો ઈન્સ્પેક્ટર સુનિલ જાધવ અને પ્રશાંત મોરેએ ટ્રેપ ગોઠવીને તેને પકડી લીધો.સૂત્રોનું કહેવું છે કે ડોક્ટર બોરહાની ઓસ્ટ્રેલિયાથી બેંકોક ગયો હતો. 20 નવેમ્બરે તે ત્યાંથી ભારત આવ્યો અને અસમ ગયો. અસમમાંથી એલએસડી ડ્રગ લઈને તે મુંબઈના કોઈ ગ્રાહકને આપવા માટે આવ્યો. અસમમાં તેની પત્ની તોરા ખાસગિર રહે છે. તોરાએ ‘અસંભવ’, ‘પ્યાર મેં કભી-કભી’ અને ‘વિક્ટોરિયા 2003’ ફિલ્મમાં કામ કર્યું છે. 2002માં તેને બેસ્ટ એશિયન મોડલનો એવોર્ડ મળ્યો હતો. બંનેએ 2004માં ઓસ્ટ્રેલિયામાં લગ્ન કર્યા હતા.તપાસ અધિકારી હવે ઓસ્ટ્રેલિયાના આ આરોપી પાસેથી મુંબઈના ગ્રાહકોના નામ મેળવી રહી છે. એલએસડી ડ્રગ લિક્વિડ અને પેપર બંને ફોર્મમાં મળે છે. તેના એક ડોટની કિંમત 5થી 8 હજાર રૂપિયા વચ્ચે હોય છે. આ ડ્રગ્સને અમેરિકા, ગ્રીસ, નેધરલેન્ડ, જર્મની જેવા દેશોમાંથી તસ્કરી દ્વારા ભારતમાં લવાય છે.આ પણ જુઓઃ ઘણી બધી સમસ્યાઓનું સમાધાન છે એક ચપટી હિંગ, આ રીતે ઉપયોગ કરો