અક્ષય કુમારથી લઈને ફોઈ કરીના સુધી, રણબીર કપૂર અને આલિયા ભટ્ટ પર પ્રેમ વરસાવી રહ્યા છે સેલેબ્સ

રણબીર કપૂર અને આલિયા ભટ્ટ દીકરીના માતા-પિતા બની ગયા છે. આ સમાચાર સામે આવ્યા પછી કપૂર પરિવાર અને ભટ્ટ પરિવારની ખુશી સાતમા આસમાને છે. આલિયાએ સોશિયલ મીડિયા પર પોસ્ટ શેર કરીને આ ખબરની પૃષ્ટિ કરી છે. નાની સોની રાઝદાન, નાના મહેશ ભટ્ટ, ફોઈ રિદ્ધિમા કપૂર સહાનીએ પણ ખુશી વ્યક્ત કરી છે. ફેન્સ તો આ સેલિબ્રિટી કપલને શુભકામનાઓ પાઠવી જ રહ્યા છે, બોલિવૂડ સેલેબ્સે પણ ખૂબ પ્રેમ વરસાવ્યો છે. સોનમ કપૂર, કપિલ શર્મા, મૌની રોય સહિત અનેક સેલેબ્સે તેમને શુભેચ્છા પાઠવી છે.



ઉલ્લેખનીય છે કે સવારે આલિયા ભટ્ટને મુંબઈની એચ.એન. રિલાયન્સ હોસ્પિટલ લાવવામાં આવી હતી. આ જ હોસ્પિટલમાં આલિયાની ડિલિવરી થઈ. રણબીર કપૂર, સોની રાઝદાન, નીતૂ કપૂર અને શાહિન ભટ્ટ તેની સાથે હતા. આલિયાએ સોશિયલ મીડિયા પર પોસ્ટ શેર કરતાં લખ્યું કે, મારા જીવનના સૌથી શ્રેષ્ઠ સમાચાર એ છે કે, અમારી દીકરી આવી ગઈ છે. તે એક મેજિકલ ગર્લ છે.


કપૂર પરિવારમાં લક્ષ્મીના આગમનની ખુશીઓ મનાવવામાં આવી રહી છે. સોનમ કપૂરે પણ આલિયા ભટ્ટની દીકરીને વહેલી તકે જોવાની ઈચ્છા વ્યક્ત કરી છે. માધુરી દીક્ષિત, મૌની રોય, કપિલ શર્મા, અક્ષય કુમાર, કરીના કપૂર ખાન, શાંતનુ મહેશ્વરી, દિયા મિર્ઝા, કૃતિ સેનન, શ્વેતા બચ્ચન, નેહા ધુપિયા, કિયારા અડવાણી, આયુષમાન ખુર્રાના, સોફી ચૌધરી, ઈશાન ખટ્ટર, રિતેશ સિધવાની, ઝોયા અખ્તર, અનન્યા પાંડે, જાન્હવી કપૂર, દીપિકા પાદુકોણ, ડાયના પેન્ટી, સાનિયા મિર્ઝા, રિયા કપૂર, હુમા કુરૈશી, બિપાશા બાસુ, રકુલ પ્રિત, નિમૃત કૌર, આ તમામ સેલેબ્સે કમેન્ટ કરીને શુભકામના પાઠવી છે.

પહેલી વેડિંગ એનિવર્સરી પહેલા માતા-પિતા બની ગયા રણબીર અને આલિયા, અભિનેત્રીએ આપ્યો દીકરીને જન્મ
અક્ષય કુમારે લખ્યું છે કે, દુનિયામાં દીકરીના માતા-પિતા બનવા કરતા વધારે મોટી બીજી કોઈ ખુશી નથી હોતી. ફોઈ કરીના કપૂર ખાને પણ લખ્યું કે, મિનિ આલિયાને જોવા માટે હું આતુર છું. તમામ સેલેબ્સે આલિયા અને રણબીરને શુભકામનાઓ પાઠવી છે તેમજ દીકરીના સારા સ્વાસ્થ્યની કામના કરી છે. ફોઈ રિદ્ધિમા અત્યારે ફ્રાન્સમાં પણ છે પણ તેણે પણ પોતાની ખુશી વ્યક્ત કરી છે. તે પણ ભાઈની રાજકુમારીને જોવા માટે તલપાપડ છે. નીતૂ કપૂર પણ સોશિયલ મીડિયા પર શુભકામના પાઠવનારા લોકોનો આભાર વ્યક્ત કરી રહ્યા છે.