આ ગોળીની બોલિવૂડમાં કેમ છે ડિમાન્ડ? ડ્રગ્સ કેસમાં ક્રાઈમ બ્રાંચને મળી ઈન્ટરનેશનલ લિંક

ડ્રગ્સ અને બોલિવુડ લિંકની તપાસ માત્ર નાર્કોટિક્સ કન્ટ્રોલ બ્યૂરો (NCB) જ નથી કરી રહી, મુંબઈ ક્રાઈમ બ્રાંચની અલગ-અલગ યુનિટ્સ પણ ડ્રગ્સ માફિયાની તપાસ કરી રહી છે. દરમિયાનમાં ક્રાઈમ બ્રાંચની પ્રોપર્ટી સેલે 50 લાખ રૂપિયાની કિંમતનું ECSTASY/MDMA નામનું ડ્રગ્સ જપ્ત કર્યું છે. આ કેસમાં આમિર અને ઈનાયત અલી નામના બે આરોપીઓની ધરપકડ કરવામાં આવી છે. મુંબઈની કિલા કોર્ટે બંનેને 5 ઓક્ટોબર સુધી ક્રાઈમ બ્રાન્ચની કસ્ટડીમાં મોકલી આપ્યા છે.

એક ગોળીની કિંમત 4-5 હજાર, અડધા કલાકમાં થાય છે અસર
બંને આરોપીઓએ સીનિયર ઈન્સ્પેક્ટર કેદારી પવાર, લક્ષ્મીકાંત સાલુખે અને અમિત ભોસલેની ટીમને પૂછપરછમાં જણાવ્યું કે, ECSTASYની બોલિવૂડ, ટીવી ઈન્ડસ્ટ્રી અને કોર્પોરેટ ક્ષેત્રના લોકોમાં ઘણી ડિમાન્ડ છે. એક ગોળી લીધા પછી અડધા કલાકમાં તેની અસર દેખાવા લાગે છે અને તેને લેનારી વ્યક્તિ ચાર-પાંચ કલાક માટે ગાઢ ઊંઘમાં જતો રહે છે. એનડીપીએસ એક્ટમાં ECSTASY પ્રતિબંધિત પણ છે. ડ્રગના ધંધા સાથે જોડાયેલા લોકો એક ગોળી ચારથી પાંચ હજાર રૂપિયામાં વેચે છે.

એક આરોપીનો કૂરિયરનો બિઝનેસ
ધરપકડ કરાયેલા આરોપીઓમાંથી એક ઈનાયત અલીનો કૂરિયરનો બિઝનેસ છે. તે કૂરિયરથી જ આ ડ્રગ્સ ગ્રાહકોને મોકલતો હતો. લોકડાઉનના કારણે તેની પાસે ECSTASY ગોળીઓ ઘણા મહિનાથી પડી રહી હતી. જ્યારે મુંબઈ ધીરે-ધીરે અનલોક થવાનું શરૂ થયું, ત્યારે ઈનાયત અલીએ પોતાન સાથી આમિર દ્વારા ડિમાન્ડ કરનારાઓ સુધી તેને પહોંચાડવાનું શરૂ કર્યું. તેની બાતમી જ્યારે ડીસીપી નંદકુમાર ઠાકુરને મળી, તો તેમણે પોતાની ટીમને આ લોકોને ઝડપી લેવાનું કામ સોપ્યું હતું. આ ટીમ દ્વારા બે આરોપીની ધરપકડ કરી લેવાઈ. અત્યાર સુધીની તપાસમાં ક્રાઈમ બ્રાંચને આ કેસમાં કેટલીક નેશનલ અને ઈન્ટરનેશનલ લિંક મળી છે. તપાસનીશ અધિકારીઓએ આશા વ્યક્ત કરી કે આવનારા દિવસોમાં ઘણા મોટા ચહેરા પરથી નકાબ ઉતરી શકે છે.

ઉલ્લેખનીય છે કે, બોલિવૂડ ડ્રગ્સ ચેટ મામલો હાલમાં ઘણો ચર્ચામાં છે. નાર્કોટિક્સ કન્ટ્રોલ બ્યૂરો (એસીબી) આ મામલે અત્યાર સુધીમાં દીપિકા પાદુકોણ, સારા અલી ખાન, શ્રદ્ધા કપૂર અને રકુલ પ્રીત સિંહે એનસીબીની પૂછપરછ કરી છે. અત્યાર સુધી આ મામલે એનસીબી લગભગ 20 લોકોની ધરપકડ કરી ચૂક્યું છે.