...તો આ માટે કરીનાને જોઈએ છે બેબી ગર્લ!

ભારતમાં આયોજિત ગ્લોબલ સિટીઝન મૂવમેન્ટ ઈન ઈંડિયાને સમર્થન આપવા આવેલી અભિનેત્રી કરીના કપૂરનું કહેવું છે કે તે પોતે પણ બેબી ગર્લ છે અને તે પણ એક બેબી ગર્લને જન્મ આપવાનું જ પસંદ કરશે.

આ કાર્યક્રમ દરમિયાન કરીનાએ કહ્યું કે, ‘હું જ્યા પણ જાવ છુ મને એક જ સવાલ પુછવામાં આવે છે અને મને તે અમારી પર્સનલ વાતમાં કોઈ દખલ દેતું હોય તેમ લાગે છે. મને અને સૈફને પૂછવામાં આવે છે કે છોકરો છે કે છોકરી? શું તમને ખબર પડી ગઈ છે? મારે કહેવું પડે છે કે માફ કરજો, પણ તેનાથી શું ફેર પડે છે?’

કરીનાએ કહ્યું કે, હું પણ એક ગર્લ ચાઈલ્ડ છુ અને બાળક તરીકે એક ગર્લ ચાઈલ્ડને જ જન્મ આપવાનુ પસંદ કરીશ. મેં મારા માતા-પિતા માટે એક પુત્રથી વધીને કર્યુ છે. ગ્લોબલ સિટીઝન ઈન્ડિયા એક એવુ મંચ છે જે અલગ અલગ કાર્યક્રમો, મીડિયા પ્રચાર અને ઓનલાઈન સક્રિયતા દ્વારા ગરીબી, અસમાનતા દૂર કરીને સતત વિકાસના લક્ષ્યની દિશામાં ભારતની યાત્રાને આગળ વધારે છે.

ગ્લોબલ સિટીઝન ફેસ્ટિવલ ઈંડિયાનું ઉદ્ઘાટન 19 નવેમ્બરના રોજ મુંબઈમાં થશે. આ ફેસ્ટિવલમાં રોકબેન્ડ કોલ્ડ પ્લે તેમજ અલગ અલગ હસ્તીઓ જેમ કે જે જેડ, આમિર ખાન, રણવિર સિંહ, કેટરીના કૈફ, અર્જુન કપૂર, દિયા મિર્ઝા, મોનાલી ઠાકુર અને શંકર એહસાન લોય શામેલ થાય તેવી શક્યતા છે.