કંગનાના હેયર ડ્રેસરે કર્યું કંઈક આવું કે તેની ધરપકડ કરવામાં આવી

I am Gujarat

કંગના રનોટના હેયર ડ્રેસરની ધરપકડ કરવામાં આવી

કંગના રનોટના સાઉથ આફ્રિકામાં રહેતા 42 વર્ષીય હેયર સ્ટાઈલિસ્ટ બ્રેન્ડન એલિસ્ટર ડી ગી પર એક સગીર છોકરા પર દુષ્કર્મ કરવાનો આરોપ લાગ્યો છે. હેયર સ્ટાઈલિસ્ટ બ્રેન્ડન પર સગીર સાથે દુષ્કર્મ કરવા બાબતે POSCO હેઠળ તેના પર ફરિયાદ દાખલ કરવામાં આવી છે. જાણકારી પ્રમાણે આ હેયર સ્ટાઈલિસ્ટ જ્યારે ફિલ્મ મણિકર્ણિકામાં વ્યસ્ત હતો તે સમયે જ મુંબઈ પોલીસે તેની ધરપકડ કરી છે. આ ફિલ્મનું શૂટિંગ મુંબઈમાં જ થઈ રહ્યું હતું, પીડિતના કહેવા મુજબ તેની મુલાકાત હેયર સ્ટાઈલિસ્ટ બ્રેન્ડનની સાથે એક ડેટિંગ એપ થકી થઈ હતી. હાલમાં પોલીસે બ્રેન્ડનને કોર્ટમાં રજૂ કર્યો હતો અને તેને 3 ઓક્ટોબર સુધી પોલીસ કસ્ટડીમાં રાખવા માટે જણાવવામાં આવ્યું છે.

હેયર ડ્રેસર ઘણાં ફેશન શોનો ભાગ રહી ચૂકેલ છે

હેયર સ્ટાઈલિસ્ટ બ્રેન્ડન બોલિવૂડ ફિલ્મ સિવાય પણ ઘણાં પ્રખ્યાત ફેશન શોમાં કામ કરી ચૂક્યો છે. કામના સંદર્ભે તે ગોવા, મુંબઈ અને વિદેશ આવતો-જતો રહે છે અને હવે પોલીસે તેનો પાસપોર્ટ અને જરૂરી દસ્તાવેજ પણ જપ્ત કરી લીધા છે.