હવે સેન્સર બોર્ડમાંથી ફિલ્મની 'સેન્સર કોપી' લીક નહીં થાય

રિલીઝ પહેલા ફિલ્મ ‘ઉડતા પંજાબ’ અને ‘ધ ગ્રેડ ગ્રાન્ડ મસ્તી’ની સેન્સર કોપી ઓનલાઇન લીક થયા બાદ સેન્સર બોર્ડ ઓફ ફિલ્મ સર્ટિફિકેશન તેને રોકવા માટે એક મોટું પગલું ભર્યું છે.

બોર્ડના આ નિર્ણયથી સેન્સર સર્ટિફિકેશન માટે કોઇ પણ ફિલ્મ ડીવીડી ફોર્મેટમાં નહીં મોકલવામાં આવે. રિપોર્ટ મુજબ માનવામાં આવે તો સેન્સર બોર્ડના ચીફ પહલાઝ નિહલાનીએ આદેશ આપ્યો છે કે સર્ટિફિકેશન માટે હવે કોઇ પણ ફિલ્મનું સ્ક્રીનિંગ ડીસીપી(ડિઝિટલ સિનેમા પ્રોઝેક્શન) ફોર્મેટમાં જ કરવામાં આવશે, જેનાથી આ ફિલ્મો ઓનલાઇન લીક ન થઇ શકે.

નિહલાનીએ કહ્યું કે ‘અમને ઘણી ફરિયાદો મળી છે, જેમાં ડીવીડીની પ્રિન્ટમાં ‘સેન્સર કોપી’ ઓનલાઇન લીક થઇ હોવાનું કહેવામાં આવ્યું છે. સૌથી પહેલા આ સેન્સરકોપી અમે નથી બનાવતતા, તે પ્રોડ્યૂસર જ બનાવે છે. એટલા માટે તે કોઇ પણ જગ્યાએથી લીક થઇ શકે છે. સામે આવેલી ફરિયાદોને ધ્યાનમાંરાખીને અમે આ પ્રક્રિયાને બંધ કરવા જઇ રહ્યા છીએ. હવે સેન્સરબોર્ડ ડિઝિટલ ફોર્મેટમાં ફિલ્મ જોવામાં આવશે એટલે બોર્ડ માટે કોઇ ડીવીડી ફોર્મેટમાં ફિલ્મની જરૂર નહીં રહે.

નિહલાનીએ વધુમાં જણાવ્યું હતું કે જોકે ફિલ્મ સર્ટિફિકેશન અપેલૈટ ટ્રિબ્યૂનલને હજું પણ ડીવીડી કોપીની જ જરૂરીયાત રહેશે.