બોક્સ ઓફિસ પર છવાઈ 'SOTY 2', જાણો કેટલી કરી કમાણી

I am Gujarat

બોક્સ ઓફિસ પર છવાઈ SOTY 2

પુનિત મલ્હોત્રાના ડિરેક્શન હેઠળ બનેલી ‘સ્ટૂડન્ટ ઓફ ધ યર 2’ને દર્શકોનો મિશ્ર પ્રતિસાદ મળી રહ્યો છે. ટાઈગર શ્રોફ, અનન્યા પાંડે અને તારા સુતારિયાને લીડ રોલમાં ચમકાવતી આ ફિલ્મે બોક્સ ઓફિસ પર પહેલા દિવસે સારો બિઝનેસ કર્યો હતો. આ ફિલ્મ 2012માં આવેલી કરણ જોહરની ફિલ્મ ‘સ્ટૂડન્ટ ઓફ ધ યર’ની સીક્વલ છે. આ ફિલ્મ દસ મેના રોજ રીલિઝ થઈ હતી. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

વધુ કમાણી કરનાર ટાઈગરની બીજી ફિલ્મ

ફિલ્મ ક્રિટિક તરણ આદર્શના જણાવ્યાનુસાર ‘સ્ટૂડન્ટ ઓફ ધ યર 2’ ટાઈગર શ્રોફની બીજી સૌથી હાઈએસ્ટ ઓપનિંગ બની છે. આ પહેલા 2018માં રીલિઝ થયેલી ટાઈગર શ્રોફની ફિલ્મ ‘બાગી 2’એ બોક્સઓફિસ પર 25.10 કરોડનો બિઝનેસ કર્યો હતો. ‘સ્ટૂડન્ટ ઓફ ધ યર 2’ ફિલ્મે બોક્સ ઓફિસ પર પહેલા દિવસે 12 કરોડનો બિઝનેસ કર્યો હતો. જોકે વીકેન્ડ પર આ ફિલ્મ વધુ કમાણી કરે તેવી આશા સેવાઈ રહી છે.

ક્રિટિક્સનો મિશ્ર રિસ્પોન્સ

‘સ્ટૂડન્ટ ઓફ ધ યર 2’ને દર્શકો તેમજ ક્રિટિક્સ તરફથી મિશ્ર રિસ્પોન્સ મળ્યો છે. પ્રોડ્યૂસર કરણ જોહરે ફિલ્મના લીડ એક્ટર્સ સાથે સારી રીતે ફિલ્મનું પ્રમોશન કર્યું હતું. કદાચ તેના લીધે જ ફિલ્મ પહેલા દિવસે બોક્સ ઓફિસ પર સારો બિઝનેસ કરવામાં સફળ રહી છે. ખાસ કરીને યંગસ્ટર્સને આ ફિલ્મ વધુ પસંદ આવી રહી છે.

પહેલા પણ લોન્ચ કર્યા છે ન્યૂ કમર્સ

નોંધનીય છે કે કરણ જોહરે ‘સ્ટૂડન્ટ ઓફ ધ યર’માં પહેલા આલિયા ભટ્ટ, વરુણ ધવન અને સિદ્ધાર્થ મલ્હોત્રાને લોન્ચ કર્યાં હતાં. કરણ જોહરે તેની આ જ મોનોપોલી જાળવી રાખતાં આ વખતે પણ લીડ સ્ટાર્સમાં તારા સુતારિયા અને અનન્યા પાંડેને બોલિવૂડમાં લોન્ચ કર્યાં છે. જે આ ફિલ્મના ફ્રેશ ચહેરા છે.