દીપિકા પાદુકોણે શેર કર્યું xXxનું પોસ્ટર

દીપિકા પાદુકોણની મચ અવેટેડ હોલિવૂડ ફિલ્મ xXx: The Return of Xander Cage આવતા વર્ષે રિલીઝ થવાની છે. જોકે દીપિકાએ પોતાના ફેન્સ સાથે આ ફિલ્મના શૂટિંગ વખતના પોતાના પિક્સ વખતોવખત શેર કર્યા છે. હવે દીપિએ પોતાની અપકમિંગ ફિલ્મનું પોસ્ટર પણ ઈન્સ્ટાગ્રામ પર શેર કર્યું છે.

એક વાત તો નિશ્ચિત છે કે આ ફિલ્મમાં સેરેના અંગરનું પાત્ર ભજવી રહેલી દીપિ એક શિકારીના રોલમાં છે. ફિલ્મના કેટલાક પિક્ચર્સમાં દીપિનો હંટરેસ તેમજ બિન્ધાસ્ત બાઈકર બેબ અવતાર પણ આપણે જોઈ ચૂક્યા છીએ. હવે દીપિએ ઈન્સ્ટાગ્રામ પર તેનું એક પોસ્ટર શેર કર્યું છે. આ પોસ્ટરમાં સૌથી ધ્યાનાકર્ષક બાબત તેનું કેપ્શન છે, જેમાં દીપિની તસવીર નીચે લખ્યું છે કે, ‘આઈ ડોન્ટ બિલિવ ઈન ગુડ ગાય્ઝ..’ મતલબ કે, હું સારા પુરુષોનો વિશ્વાસ નથી કરતી. દીપિની તસવીરોએ અને પછી હવે આ પોસ્ટરે તેની ફિલ્મ કેવી હશે તે અંગે લોકોમાં જોરદાર ઈંતેજારી જગાવી છે. જોકે, તેના માટે હજુ આવતા વર્ષ સુધી રાહ જોવી જ પડશે.