ભાજપ સાંસદ હેમા માલિની બે-ત્રણ દિવસ પહેલા સંસદ પરિસરમાં સ્વચ્છ ભારત અભિયાન અંતર્ગત અનોખા અંદાજમાં ઝાડુ લગાવવાને લઈને ટ્રોલ થયા હતા. તેમની સાફ-સફાઈ કરવાની સ્ટાઈલને લઈને લોકોએ મજાક ઉડાવી હતી અને તેના મીમ્સ પણ બનાવ્યા હતા. તે પતિ ધર્મેન્દ્રએ પણ હેમા માલિનીની આ તસવીરો પર કોમેન્ટ કરી તેમને ‘અનાડી’ કહ્યા હતા. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો પરંતુ સોશિયલ મીડિયા પ્લેટફોર્મ પર આવા શબ્દનો ઉપયોગ કરીને ધર્મેન્દ્રને પછતાવો થઈ રહ્યો હોય તેમ લાગી રહ્યું છે. ત્યારે જ હવે તેઓ ટ્વિટર પર પોતાની ટ્વીટને લઈને હાથ જોડી માફી માગી રહ્યા છે. ધર્મેન્દ્રએ એક તસવીર શેર કરી છે જેમાં તેઓ બે હાથ જોડીને માફી માગતા જોવા મળ્યા. કેપ્શનમાં એક્ટરે લખ્યું છે કે, ‘હું કંઈ પણ કહી બેસી છું…કંઈ પણની ભાવનાઓને…કંઈ પણ સમજી બેસે છે લોકો…ટ્વીટ બાદશાહ કંઈ પણ કર્યું…વાત ઝાડુંની હતી…તૌબા તૌબા…હવે આવું ક્યારેય નહીં કરૂં….મને માફ કરી દો માલિક…’. ધર્મેન્દ્રની આ ટ્વીટ પરથી લાગે છે કે તેઓ હેમા માલિનીને મનાવવાનો પ્રયાસ કરી રહ્યા છે. ધર્મેન્દ્રની પહેલાની ટ્વીટ પરથી એક્ટ્રેસને ઠેસ પહોંચી હોય તેવી શક્યતા છે, જે બાદ ભૂલ સમજતા એક્ટર માફી માગી રહ્યા છે. તો બીજી તરફ ટ્વિટર યૂઝર પણ આ ટ્વીટની મજા લઈ રહ્યા છે. એક યૂઝરે લખ્યું કે, ‘સર તમારે માફી માગવાની જરૂર નથી. ફેન્સ કોઈ પણ સવાલ કરે પણ તમે સાચો જ જવાબ આપો છો. તમે દિલના સારા છો’ આ પહેલા પણ જ્યારે એક્ટરે હેમા માલિનીને ટ્રોલ કર્યા હતા ત્યારે તેમની આ પ્રમાણિકતાને જોઈને ફેન્સે પણ તેમની વાહવાહી કરી હતી.