આ માટે આલિયા પપ્પા જેવા બોય સાથે નથી લગ્ન કરવા માગતી!

I am Gujarat

આલિયા વિશે આ બધું નહીં જાણતા હોવ

બોલિવુડની ચુલબુલી એક્ટ્રેસ આલિયા ભટ્ટનો આજે 25મો બર્થ ડે છે. 15 માર્ચ 1993માં મુબઈમાં તેનો જન્મ થયો હતો. બોલિવુડમાં 6 વર્ષની કારિકિર્દીમાં આલિયા એક સફળ એક્ટ્રેસ તરીકે ઓળખાય છે. પપ્પા મહેશ ભટ્ટની દીકરી તરીકે નહીં પરંતુ પોતાની મહેનત અને કામ પ્રત્યે સમર્પણના કારણે આજે આલિયા ફિલ્મ ઇન્ડસ્ટ્રીમાં તમામ એક્ટ્રેસને જોરદાર ટક્કર આપી રહી છે. ત્યારે ચાલો આજે જન્મદિવસના મોકે આલિયા વિષે તમને જણાવીએ એવી કેટલીક વાતો જે નહીં જાણતા હોવ.

નિકનેમ છે આલૂ

આલિયાનું નિકનેમ આલૂ છે. ઘરમાં સૌથી નાની હોવાના કારણે બધાની ખૂબ લાડકી છે આલિયા. તેના પિતા મહેશ ભટ્ટ એક જાણિતા ફિલ્મ મેકર છે અને માં સોની રાજદાન એક એક્ટ્રેસ.

સંઘર્ષમાં ચાઇલ્ડ આર્ટિસ્ટ તરીકે કર્યું કામ

આલિયાએ ચાઇલ્ડ આર્ટિસ્ટ તરીકે 1999માં ફિલ્મ સંઘર્ષમાં કામ કર્યું છે. જેમાં તેણે પ્રિતિ ઝિંટાના બાળપણનો રોલ અદા કર્યો હતો.

2012માં ફિલ્મ ઇન્ડસ્ટ્રીમાં કર્યું આગમન

કરણ જોહરની ફિલ્મ ‘સ્ટુડન્ટ ઓફ ધ યર’ દ્વારા 2012માં આલિયાએ ફિલ્મ ઇન્ડસ્ટ્રીમાં ડેબ્યુ કર્યું હતું. આ ફિલ્મમાં રોલ માટે 500 જેટલી ગર્લ્સના ઓડિશન લેવામાં આવ્યા હતા. જેમાંથી આલિયાને સિલેક્ટ કરવામાં આવી હતી. પરંતુ તેની સામે શરત રાખવામાં આવી હતી કે ફિલ્મ માટે 3 મહિનામાં તેણે 16 કિલો વજન ઉતારવું પડશે.

ના, પપ્પા જેવા વ્યક્તિ સાથે નથી કરવા લગ્ન

આલિયાએ અનુપર ખેરના ચેટ શોમાં એક પ્રશ્ના જવાબમાં કહ્યું હતું કે તે ક્યારેય પોતાના પપ્પા મહેશ ભટ્ટ જેવા વ્યક્તિ સાથે લગ્ન કરવા નથી માગતી.

હવાઈ મુસાફરીનો ફોબિયા

ફિલ્મ ઇન્ડસ્ટ્રીમાં એવી ચર્ચા છે આલિયાને હવાઈ મુસાફરીનો ફોબિયા છે. જ્યારે પણ પ્લેન મુસાફરીની વાત આવે છે આલિયા નર્વસ થઈ જાય છે.

પાપાથી નજીક પરંતુ હકીકતમાં મમ્મીની દીકરી

કહે છે કે આલિયા અને પાપા મહેશ ભટ્ટ વચ્ચે ખૂબ જ સારુ બોન્ડિંગ છે પરંતુ હકીકતમાં તે મમ્મી ગર્લ છે. આલિયાને મમ્મી વગર નથી ચાલતું.

ઇન્ડસ્ટ્રીમાં પણ છે બધાની ફેવરિટ

આલિયા ભટ્ટ ઇન્ડસ્ટ્રીમાં પણ બધાની ખૂબ ફેવરિટ છે. તે કરીના કપૂરની ફેન છે. તો સાથે સાથે કેટરીના અને આલિયા વચ્ચે પણ ખૂબ જ ક્લોઝ ફ્રેન્ડશિપ છે. બંને સાથે જીમ પણ કરે છે.

આજકાલ બ્રહ્માસ્ત્રના શૂટિંગમાં વ્યસ્ત

જો આલિયાની પ્રોફેશનલ લાઇફની વાત કરવામાં આવે તો આલિયા બુલ્ગારિયામાં તેની આગામી ફિલ્મ બ્રહ્માસ્ત્રના શૂટિંગમાં વ્યસ્ત છે. કામ પ્રત્યે સમર્પિત આલિયા બર્થ ડેના દિવસે પણ શૂટિંગમાં વ્યસ્ત રહેશે.