#MeToo: સાજિદ ખાન વિશે બોલી દિયા મિર્ઝા, કહ્યું, ' નિમ્નસ્તરનો વ્યક્તિ છે'

I am Gujarat

સાજિદ ખાન વિશે બોલી દિયા મિર્ઝા

ફિલ્મમેકર સાજિદ ખાન પર અત્યાર સુધીમાં ઘણી મહિલાઓ યૌન ઉત્પીડનનો આરોપ લગાવી ચૂકી છે. આ બાદ સાજિદને ફિલ્મ હાઉસફુલ-4 માંથી નિર્દેશક તરીકે હટાવી દેવામાં આવ્યા છે. સાજિદ ખાનની ફિલ્મ ‘હૈ બેબી’માં ગેસ્ટ અપીરિયન્સ આપનારી એક્ટ્રેસ દિયા મિર્જાએ એક ખાનગી ચેનલ સાથે વાતચીતમાં સાજિદ ખાન વિશે પોતાના વિચારો જણાવ્યા.

સાજિદને કહ્યો નિમ્નકક્ષાનો

દિયાએ સ્વીકાર્યું કે સાજિદ ખાન ખરાબ વ્યક્તિ છે. તેણે કહ્યું, હું ખૂબ જ શોક છું. હું માનું છું કે સાજિદ ખરાબ વ્યક્તિ છે, ખૂબ જ સેક્સિએસ્ટ અને નિમ્નકક્ષાનો. મારા માટે આ મામલાની વિસ્તૃત જાણકારી ચોંકાવનારી છે. હું હંમેશાથી આવા લોકોને ઓળખી જાઉં છું. મેં કામના સ્થળે પણ આવા લોકો સાથે સંબંધ કાપવામાં કોઈ વિલંબ નથી કર્યો.

દિયા સાથે બની છે આવી ઘટના?

દિયાએ કહ્યું કે તેમણે કલ્પના પણ નહોતી કરી કે તે કોઈ મહિલા સાથે આ હદ સુધી ખરાબ વ્યવહાર કરી શકે છે. તેણે કહ્યું, હું સંપૂર્ણ રીતે સમજી શકું છું કે લોકોને કેવું લાગી રહ્યું હશે, પરંતુ આ કહેવું ખોટું હશે કે જે નામો સામે આવી રહ્યા છે તે ચોંકાવનારા છે. મારી સાથે આવું ક્યારેય નથી થયું. પરંતુ એવી ઘટનાઓ બની છે જ્યારે મેં કામ ગુમાવ્યું હોય અને લોકોએ મારી સાથે વાત કરવાનું બંધ કરી દીધું હોય. કારણ કે મેં તેમના ઈરાદાઓ જાણીને તેમના મુજબ કામ કરવાની મનાઈ કરી દીધી.

સાજિદ પર છે યૌન શોષણનો આરોપ

ઉલ્લેખનીય છે કે ફિલ્મ નિર્માતા-નિર્દેશક સાજિદ ખાન પર એક્ટ્રેસ સલોની ચોપડાએ ગેરવર્તણુક કરવાનો આરોપ લગાવ્યો હતો. આ બાદ એક પત્રકાર અને અન્ય એક્ટ્રેસે પણ આરોપ લગાવ્યો હતો. #MeTooના કવરેજ પર IamGujarat.comની પોલિસી