આ નેતાએ રિચા ચઢ્ઢાને આપી રાજકારણમાં આવવાની સલાહ, મળ્યો આવો જવાબ

રાજકાણનો જાણીતો ચહેરો અને કવિ કુમાર વિશ્વાસ (kumar vishwas)નું એક ટ્વીટ વાઈરલ થઈ રહ્યું છે. કુમાર વિશ્વાસે બોલિવૂડની બોલ્ડ એક્ટ્રેસ રિચા ચઢ્ઢા (Richa Chadda)ને રાજકારણમાં આવવાની સલાહ આપી દીધી છે. આ સલાહ બાદ રિચા ચઢ્ઢા અને કુમાર વિશ્વાસના ટ્વીટ વાઈરલ થઈ રહ્યા છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: આમ આદમી પાર્ટી (Aam Aadmi Party – AAP) ના નેતા કુમાર વિશ્વાસે 32 વર્ષની એક્ટ્રેસ રિચા ચઢ્ઢાને રાજકારણમાં આમંત્રણ આપીને ટ્વીટ કર્યું છે. જેમાં વિશ્વાસે લખ્યું છે કે, “હવે તો કોમેડી પણ સારી કરી કરવા લાગી છે, હવે તો રાજકારણમાં જોડાઈ જા.” વિશ્વાસે સોમવારે કરેલી આ ટ્વીટને અત્યાર સુધીમાં 5 હજારથી વધુ લોકોનો રિસ્પોન્સ આવ્યો છે.કુમાર વિશ્વાસના આમંત્રણનો અસ્વીકાર કરીને રિચાએ ટ્વીટ કર્યું છે કે, “એ મારાથી નહીં થાય”, રિચાએ જવાબની સાથે GIF પણ શેર કર્યું છે. રિચાએ એક કાજોલનું અને માધુરી દિક્ષિતનું એમ બે GIF શેર કરીને વિશ્વાસના આમંત્રણને ફગાવ્યું છે.સેક્શન 375, ફુકરે, મસાન, ગેંગ્સ ઓફ વાસેપુર જેવી મૂવીમાં દેખાયા બાદ હવે રિચા ચઢ્ઢા પંગા (Panga)માં જોવા મળશે. આ ફિલ્મમાં રિચાની સાથે કંગના રનૌત (Kangana Ranaut), પંકજ ત્રિપાઠી (Pankaj Tripathi) સહિતના કલાકારો પણ જોવા મળશે. આ ફિલ્મ આગામી વર્ષે 24મી જાન્યુઆરીમાં રિલીઝ થઈ રહી છે.