EDએ રિયાના વોટ્સએપ ચેટને કરી રિકવર, 'ડ્રગ ડીલિંગ'માં હાઈ પ્રોફાઈલ નામો પર શંકા

બોલીવુડ એક્ટર સુશાંત સિંહ રાજપૂતના મોતના મામલે રોજ નવા ખુલાસા થઈ રહ્યા છે. કેસની તપાસ સીબીઆઈ અને ઈડી જેવી એજન્સીઓ કરી રહી છે. હવે, અહેવાલોનું માનીએ તો ઈડીએ રિયા ચક્રવર્તી, તેના ભાઈ શૌવિક ચક્રવર્તી, સુશાંતના મિત્ર સેમ્યુઅલ મિરાંડા અને દીપેશ સાવંતની વચ્ચે થયેલી વોટ્સએપ ચેપને રિકવર કરી છે.

સૂત્રોનું માનીએ તો ઈડી હવે 'ડ્રગ ડીલિંગ'ના એંગલથી કેસની તપાસ કરી રહી છે. કહેવાઈ રહ્યું છે કે, સુશાંતના મોતના કેસની લિંક ડ્રગ્સ અને દુબઈ સાથે હોઈ શકે છે. તપાસ કરનારા અધિકારીઓને નારકોટિક્સ ટ્રેલની જાણ થઈ છે. હવે, મામલામાં ઘણા હાઈ પ્રોફાઈલ નામો પર શંકાની સોય ફરી રહી છે.

આ પણ વાંચો: સુશાંતનો 'પાક્કો દોસ્ત' જ આવ્યો સવાલોના ઘેરામાં, CBI કરશે પૂછપરછ



આ પણ વાંચો: રિયાના સપોર્ટમાં બોલ્યા રામ ગોપાલ વર્મા, 'દેશમાં મહિલાને ડાકણ કહીને મારી નાખવામાં આવે છે'

સુબ્રમણ્યન સ્વામીએ લગાવ્યો આરોપ
ઉલ્લેખનીય છે કે, આ પહેલા જ સુબ્રમણ્યમ સ્વામી એ આરોપ લગાવી ચૂક્યા છે કે દુબઈના એક ડ્રગ ડીલરે સુશાંત સિંહ રાજપૂતની મુલાકાત લીધી હતી. બીજી તરફ, સુશાંત મામલાની તપાસમાં મુંબઈ પોલીસના બે અધિકારીઓને પણ સમન મોકલાયું છે. બંને અધિકારીઓની સીબીઆઈ પૂછપરછ કરશે.

આ પણ વાંચો: રિયા અનેે મહેશ ભટ્ટના સંબંધો પર શત્રુઘ્ન સિન્હાએ કર્યો સવાલ, કહ્યું 'તમે...'

આ લોકોની થઈ પૂછપરછ કેસમાં સીબીઆઈ ટીમે મંગળવારે સીએ સંદીપ શ્રીધર, ફ્લેટમેટ સિદ્ધાર્થ પિઠાની, કુક નીરજ સિંહ, અકાઉન્ટન્ટ રજત મેવાતી અને હાઉસ હેલ્પ કેશવની પૂછપરછ કરી છે. સુશાંતના પોસ્ટમોર્ટમ અને વિસરા રિપોર્ટની તપાસ સીબીઆઈએ એમ્સની એક ફોરેન્સિક ટીમ પાસે કરાવી છે. એમ્સની ફોરેન્સિક ટીમ આ રિપોર્ટ શુક્રવારે સીબીઆઈને સોંપે તેવી શક્યતા છે.