પશ્ચિમ બંગાળના રાણઘાટ રેલવે સ્ટેશન પર ગીત ગાઈને ગુજરાન ચલાવતી રાનૂ મંડલનું પહેલું બોલિવુડ સોન્ગ ‘તેરી મેરી કહાની’ રિલીઝ થયું છે. રાતોરાત ફેમસ થઈ ગયેલી રાનૂ મંડલનું આ ગીત હિમેશ રેશમિયાની ફિલ્મ ‘હેપ્પી હાર્ડી એન્ડ હીર’નું છે. રાનૂનું આ ગીત રિલીઝ થતાની સાથે જ યૂટ્યૂબ પર ટ્રેન્ડ થવા લાગ્યું છે. ઉલ્લેખનીય છે કે, રાનૂના અવાજ અને તેની ગાયકી પર વારી ગયેલા હિમેશ રેશમિયાએ રાનૂ પાસે પોતાની ફિલ્મ ‘હેપ્પી હાર્ડી એન્ડ હીર’ના એક પછી એક ત્રણ ગીત રેકોર્ડ કરાવ્યા છે. જેમાંનું પહેલું ગીત તેરી મેરી કહાની આજે રિલીઝ થયું છે.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરોરાનૂ મંડલે બોલિવુડમાં પોતાનું પહેલું ગીત રેકોર્ડ કર્યું તેનો વીડિયો સોશિયલ મીડિયા પર જબરદસ્ત વાયરલ થયો હતો. આ ગીતનું રેકોર્ડિંગ જોયું ત્યારથી જ રાનૂ મંડલના ફેન્સમાં આખું ગીત સાંભળવાની ઉત્કંઠા જાગી હતી. આખરે તેમનો ઇંતેજાર પૂરો થયો છે અને રાનૂ મંડલનું પહેલું ગીત રિલીઝ થયું છે. તેરી મેરી કહાની રાનૂ મંડલ અને હિમેશ રેશમિયાએ ડ્યૂએટ કર્યું છે. ‘હેપ્પી હાર્ડી એન્ડ હીર’ માટે હિમેશે રાનૂ પાસે ત્રણ ગીતો રેકોર્ડ કરાવ્યા છે. જેમાં બાકીના બે ગીતોના નામ ‘આદત’ અને ‘આશિકી મેં તેરી’ છે. હિમેશે આ બંને ગીતના રેકોર્ડિંગનો વીડિયો પણ ફેન્સ સાથે શેર કર્યો હતો. રેલવે સ્ટેશન પર ગીત ગાતી રાનૂના ટેલેન્ટના ફેન્સ ઘણા લોકો બની ગયા છે. સ્વર સામ્રાજ્ઞી લતા મંગેશકરે પણ રાનૂના ટેલેન્ટના વખાણ કર્યા હતા. સાથે જ રાનૂને સલાહ આપતા કહ્યું હતું કે, ‘નકલ કાયમી સફળતા ટકાની શકતું નથી. ઓરિજિનાલિટી જરૂરી છે.’ જો કે, લતા મંગેશકરે આ સલાહ માત્ર રાનૂને નહીં તમામ સિંગર્સને આપી હતી. તેમ છતાં રાનૂના ફેન્સ નારાજ થયા હતા. આ ફોટોશૂટના કારણે ટ્રોલ થયો પ્રિયંકા ચોપરાનો પતિ નિક જોનસ