રીલીઝ થયું ગુડ ન્યુઝનું ટ્રેલર, IVF પર આવી કોમેડી પહેલા નહિ જોઈ હોય

જ્યારથી અક્ષય કુમાર, કરીના કપૂર, કિયારા અડવાણી અને દિલજીત દોસાંજની ફિલ્મ ગુડ ન્યુઝનું શૂટિંગ શરૂ થયું છે ત્યારથી આ ફિલ્મ સતત ચર્ચામાં છે. છેલ્લા થોડા દિવસમાં તેના એકથી એક ફની પોસ્ટર રીલીઝ કરવામાં આવ્યા હતા. હવે ફાઈનલી આ કૉમેડી ફિલ્મનું ટ્રેલર રીલીઝ કરવામાં આવ્યું છે.રાજ મહેતાના ડિરેક્શનમાં બનેલી ગુડ ન્યુઝ બે કપલની સ્ટોરી છએ જે ટૂંક જ સમયમાં પેરેન્ટ્સ બનવાના છે. પરંતુ આ કપલ વિચિત્ર પરિસ્થિતિમાં ફસાઈ જાય છે. કરીના અને કિયારા અક્ષય અને દિલજીતની પત્ની બન્યા છે. ફિલ્મનું ટ્રેલર ઘણું રસપ્રદ છે અને આ ફિલ્મ દર્શકોને પેટ પકડીને હસાવશે તે નિશ્ચિત છે. ફિલ્મનો મુખ્ય વિષય એ છે કે બે કપલ IVF ટ્રીટમેન્ટ કરાવવા જાય છે. બંનેની અટક બત્રા હોવાથી IVF સેન્ટરથી મોટી ગફલત થઈ જાય છે. બંને કપલના સ્પર્મ અદલાબદલી થઈ જાય છે. ત્યાર પછી જે પરિસ્થિતિ ઊભી થાય છે તે ઘણી હાસ્યાસ્પદ છે. કરણ જોહરે પ્રોડ્યુસ કરેલી આ ફિલ્મ 27 ડિસેમ્બરે રીલીઝ થવાની છે. અગાઉ આ ફિલ્મ 6 સપ્ટેમ્બરે રીલીઝ થવાની હતી. ત્યાર પછી તેની રીલીઝ ડેટ બદલીને 29 નવેમ્બર કરવામાં આવી હતી. હવે ફાઈનલી તે ક્રિસમસમાં રીલીઝ થશે. ઘણા લાંબા સમયે ફિલ્મમાં કરીના કપૂર અને અક્ષય કુમારની જોડી દેખાશે.