હાર્દિક પંડ્યાએ દીકરા સાથે પસાર કર્યો સમય, પપ્પાની 'કાર્બન કોપી' લાગી રહ્યો છે અગસ્ત્ય

હાર્દિક પંડ્યાએ ઈન્સ્ટાગ્રામ પર દીકરા અગસ્ત્ય સાથેની મનમોહક તસવીર શેર કરી છે, જેના પરથી તે ડેડી ડ્યૂટી પર હોય તેમ લાગી રહ્યું છે. હાર્દિક પંડ્યાએ તેના પાંચ મહિનાના દીકરા સાથે પોઝ આપ્યો હતો. તો અગસ્ત્ય પણ કેમેરા સામે જોઈને હસવા લાગ્યો હતો. અગસ્ત્ય સાથેની તસવીર શેર કરીને કેપ્શનમાં હાર્દિકે હાર્ટ ઈમોજી મૂકી છે.


આ તસવીરમાં હાર્દિક બ્લૂ કલરના નાઈટ સૂટમાં જોવા મળી રહ્યો છે. જ્યારે અગસ્ત્યએ પપ્પા સાથે મેચિંગ કરતાં બ્લૂ ટી-શર્ટ અને ગ્રે-બ્લૂ પેન્ટ પહેર્યું છે. હાર્દિક-અગસ્ત્યની તસવીર ફેન્સ તેમજ તેના ફ્રેન્ડ્સને ખૂબ પસંદ આવી રહી છે. કુણાલ પંડ્યા, આશિતા સૂદ, યાસ્મીન કરાચીવાલા તેમજ ધોનીની પત્ની સાક્ષી સિંહે હાર્ટ ઈમોજી કોમેન્ટમાં મૂકી છે.


બાપ-દીકરાની આ જોડીએ જ્યાં એક તરફ સાથે ફન ટાઈમ માણ્યો હતો તો નતાશાએ આઉટિંગની સોલો તસવીરો શેર કરી હતી. કેઝ્યૂઅલ અટાયરમાં પોઝ આપતાં નતાશાએ લખ્યું છે કે, 'જો તમે જીવનને પ્રેમ કરશો તો, જીવન પણ તમને પ્રેમ કરશે'. નતાશાએ આ તસવીરમાં રિપ્ડ જિન્સ અને ચિત્તા પ્રિન્ટનું ટોપ પહેર્યું છે. આ સાથે તેના હાથમાં રેડ પર્સ જોવા મળી રહ્યું છે.


હાર્દિક પંડ્યા અને નતાશા સ્ટેનકોવિકે હાલમાં તેમની પહેલી એનિવર્સરી સેલિબ્રેટ કરી હતી. ક્રિકેટરે દુબઈ વેકેશન દરમિયાન 1જાન્યુઆરી, 2019ના રોજ યોટમાં નતાશાને પ્રપોઝ કર્યું હતું. આ વિશે તેના પરિવારને પણ જાણ નહોતી. મેરેજ અનિવર્સરી સેલિબ્રેશન દરમિયાનની તસવીરો શેર કરીને હાર્દિકે લખ્યું હતું કે, 'ઘણી એનિવર્સરીમાંથી પહેલી. આજીવન માટે સાથે'. સેલિબ્રેશન દરમિયાન વ્હાઈટ સાટિન શર્ટ અને બ્લૂ ડેનિમમાં નતાશા ગોર્જિયસ લાગી રહી હતી. જ્યારે હાર્દિકે ગ્રાફિક પ્રિન્ટ શર્ટ અને બ્લેક શોર્ટ્સ પહેર્યું હતું. તસવીરમાં હાર્દિક પાછળથી પત્નીને હગ કરતો જોવા મળ્યો હતો.


હાર્દિક અને નતાશાએ તેમના રિલેશનશિપ વિશે જાહેર કરીને તેમના ફેન્સને સરપ્રાઈઝ આપી હતી. જેના થોડા મહિના બાદ તેઓ માતા-પિતા બનવાના હોવાના ગુડ ન્યૂઝ આપીને ફેન્સને બીજી સરપ્રાઈઝ આપી હતી. બંનેએ લોકડાઉન દરમિયાન જ લગ્ન કરી લીધા હતા. જે બાદ નતાશાએ 30મી જુલાઈએ અગસ્ત્યને જન્મ આપ્યો હતો. હાર્દિક અને નતાશાએ હાલમાં દીકરાનો મંથલી બર્થ ડે સેલિબ્રેટ કર્યો હતો.