...તો આ કારણે સની દેઓલે કાયમ માટે શાહરુખ સાથે કામ કરવાનું બંધ કરી દીધું?

મુંબઈઃ બોલિવૂડના ‘ગદર’ એક્ટર સની દેઓલ આજે 63મો જન્મદિવસ ઉજવી રહ્યો છે. આ વચ્ચે સની દેઓલે બોલિવૂડને ઘણી સુપરહિટ ફિલ્મો આપી. ઘણા એક્ટર સાથે કામ કર્યા બાદ તેના કરિયરમાં એક એવો પડાવ આવી ગયો, જે બાદ સની દેઓલ એકલા જ કામ કરવા લાગ્યો. વર્ષ 1993માં આવેલી ફિલ્મ ‘ડર’માં સની દેઓલ, શાહરુખ ખાન સાથે કામ કરી રહ્યો હતો. ફિલ્મમાં સની દેઓલને હીરોનું પાત્ર મળ્યું હતું. પરંતુ જ્યારે ફિલ્મનું શૂટિંગ થયું તો સનીને સમજાવા લાગ્યું કે તે ફિલ્મમાં ‘હીરો’ નથી. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: ફિલ્મમાં સંપૂર્ણ ફોકસ શાહરૂખના પાત્ર પર કરાયું હતું. સનીએ ફિલ્મ પોસ્ટર બોય્ઝ દરમિયાન જણાવ્યું હતું કે, યશ ચોપરા અને શાહરુખને ખબર હતી કે ફિલ્મ કઈ દિશામાં જઈ રહી છે પરંતુ મને અંધારામાં રાખવામાં આવ્યો. જ્યારે મને શાહરુખ અને મારા પાત્ર વચ્ચેનો સીમ સમજાવાયો ત્યારે મને એટલો ગુસ્સો આવ્યો કે મેં પોતાના હાથ ખીસ્સામાં નાખીને જીન્સના ખીસ્સા ફાડી નાખ્યા. ‘ઢાઈ કિલોનો હાથ’થી સૌને ડરાવનારા સની દેઓલનું કહેવું હતું કે તેને ફિલ્મ પહેલા કહેવું જોઈતું હતું કે શાહરુખનું પાત્ર તેના પર હાવી રહેશે. શાહરુખે પણ આ મામલે જ્યારે કોઈ વાત ન કરી તો સની દેઓલે નિર્ણય લીધો કે હવે તે ક્યારેય શાહરુખ અને યશરાજ સાથે કામ નહીં કરે. આ ફિલ્મ બાદ સની દેઓલે એકલા જ ફિલ્મો કરવાનું શરૂ કરી દીધું. જોકે તે ભાઈ બોબી દેઓલ સાથે ઘણીવાર સ્ક્રીન શેર કરતા જોવા મળ્યો અને બોર્ડરમાં પણ તેણે 4 હીરો સાથે સ્ક્રીન શેર કરી હતી.