Pics: જુઓ, કપૂર ખાનદાનની દીકરીઓનો ગ્લેમરસ અંદાજ

I am Gujarat

કપૂર ખાનદાનની ત્રણે દીકરીઓ સાથે

બોલિવૂડના સૌથી ફેમસ કપૂર ખાનદાનની ત્રણે દીકરીઓ એક સાથે જોવા મળી હતી. બોની કપૂરની દીકરીઓ જ્હાનવી અને ખુશી કપૂર તેમજ સંજય કપૂરની દીકરી શનાયા તાજેતરમાં જ એક ઈવેન્ટમાં સાથે જોવા મળી હતી. આ દરમિયાન ત્રણે ખૂબ જ ગોર્જિયસ લાગી રહી હતી.

આવો હતો જ્હાનવી-ખુશીનો અંદાજ

આ ઈવેન્ટ દરમિયાન જ્હાનવી ફ્લોરલ બ્લેક પેન્ટસૂટ પહેરેલી જોવા મળી હતી. આ સાથે જ તે લાઈટ મેકઅપમાં જોવા મળી હતી. પોની હેરસ્ટાઈલમાં તે આકર્ષક લાગી રહી હતી. બહેન ખુશીએ વર્ટિકલ સ્ટ્રિપ્સ પસંદ કરી હતી. ફ્લેયર્ડ પેન્ટ્સ અને મેચિંગ ક્રોપ ટોપ પહેર્યું હતું. ખુશીએ એક હાથમાં ઘડિયાળ તો બીજામાં ગોલ્ડ બ્રેસલેટ પહેર્યું હતું.

આકર્ષક લાગી શનાયા

આ બન્નેની જેમ જ શનાયા કપૂર પણ ખૂબ જ આકર્ષક લાગી રહી હતી. તેણે પીળા રંગની ફ્લોરલ ડ્રેસને પસંદ કર્યો હતો. જેમાં નૂડલ સ્ટ્રેપ હતાં. આ ડ્રેસમાં તે ખૂબ જ સુંદર લાગી રહી હતી. હીલ્સની જગ્યાએ શનાયાએ વ્હાઈટ શૂઝ પહેર્યાં હતાં.

દિલ્હીમાં થઈ હતી ઈવેન્ટ

આ ઈવેન્ટમાં મોહિત મારવાહ, અનિલ કપૂર અને બોની કપૂર પણ જોવા મળ્યાં હતાં. આ ત્રણેએ સૂટ પહેર્યું હતું. શર્ટ માટે ત્રણેએ સફેદ કલરને પસંદ કર્યો હતો. આ ઈવેન્ટ દિલ્હીમાં થઈ હતી. જેમાં કપૂર પરિવારના લોકોએ હાજરી આપી હતી.