પતિ ગૌતમ કિચલૂની સાથે દરિયામાં ડૂબકી લગાવતી જોવા મળી કાજલ અગ્રવાલ, શેર કર્યા ફોટોગ્રાફ્સ

બોલિવૂડ એક્ટ્રેસ કાજલ અગ્રવાલ આજકાલ પતિ ગૌતમ કિચલૂની સાથે હનીમૂન પર ક્વોલિટી સમય પસાર કરી રહી છે. જેના ફોટોગ્રાફ્સ સોશિયલ મીડિયા પર વાયરલ થઈ રહ્યા છે. આ દરમિયાન તેમણે કેટલાંક ફોટોગ્રાફ્સ શેર કર્યા કે જેમાં તેઓ દરિયામાં ડાઈવિંગ કરતા જોવા મળી રહ્યા છે.

આ ફોટોગ્રાફ્સ એવા છે જે તમને પણ વેકેશન્સ ગોલ્સ આપશે. એક્ટ્રેસ કાજલ અગ્રવાલે પોતાના સોશિયલ મીડિયા ઈન્સ્ટાગ્રામ અકાઉન્ટ પર આ ફોટોગ્રાફ્સ શેર કર્યા છે. આ ફોટોગ્રાફ્સમાં કાજલ અગ્રવાલ તેના પતિ ગૌતમ કિચલૂની સાથે માલદીવ્સમાં ડીપ-સી ડાઈવિંગ કરતી જોવા મળી રહી છે.

આ ફોટોગ્રાફ્સ શેર કરતા કાજલ અગ્રવાલે કેપ્શન આપી કે દરિયામાં તમને તે સવાલોના જવાબ મળી જશે કે જેના વિશે તમને એવું લાગતું હતું કે જેનું કોઈ અસ્તિત્વ જ નથી.

આ ફોટોગ્રાફ્સની બીજી પોસ્ટમાં કાજલ અગ્રવાલે લખ્યું કે મને દરિયા પ્રત્યે પ્રેમ છે. મને હંમેશાં વાદળી રંગ પસંદ છે. આટલું શાંત અને શાંતિપૂર્ણ અને ગ્લાઈડિંગ.
તારીખ 30 ઓક્ટોબરના દિવસે એક્ટ્રેસ કાજલ અગ્રવાલ અને ગૌતમ કિચલૂએ મુંબઈની એક હોટેલમાં લગ્ન કર્યા. તેમના લગ્નનું સેલિબ્રેશન પ્રાઈવેટ પરંતુ ગ્લેમરસ હતું.