ભાઈના લગ્નનું આમંત્રણ આપવા હિમાચલ પ્રદેશના મુખ્યમંત્રીના નિવાસસ્થાને પહોંચી કંગના

બોલિવૂડ એક્ટ્રેસ કંગના રાનૌત માટે છેલ્લો કેટલોક સમય એટલો સારા નહોતો. મહારાષ્ટ્ર સરકાર સાથે તેમના મતભેદો ચર્ચામાં હતા. પરંતુ આજકાલ અભિનેત્રીના ઘરે ખુશીનું વાતાવરણ જોવા મળી રહ્યું છે. કંગનાના એક ભાઈ કરણના લગ્ન થયા છે, હવે તેના બીજા ભાઈ અક્ષતનો વારો આવ્યો છે. તાજેતરમાં જ કંગના હિમાચલ પ્રદેશના મુખ્યમંત્રી પાસે તેના ભાઈના લગ્નનું કાર્ડ આપવા પહોંચી હતી.

આ સમય દરમિયાન કંગના રાનૌતે ઈન્સ્ટાગ્રામ દ્વારા કેટલીક તસવીરો શેર કરી હતી. તસવીરમાં જોઇ શકાય છે કે તેણી તેની બહેન રંગોલી ચંદેલ સાથે મુખ્યમંત્રી જયરામ ઠાકુરને મળી હતી અને તેમના ભાઈના લગ્નમાં આવવા માટે આમંત્રણ આપ્યું હતું.

આ ઉપરાંત તે કેન્દ્રીય પ્રધાન મહેન્દ્રસિંહ ઠાકુરને પણ મળી હતી અને ભાઈ અક્ષતનાં લગ્નમાં આમંત્રણ આપ્યું હતું. આ દરમિયાન કંગનાએ ટ્વિટર પર તસવીરો શેર કરી હતી.

જણાવી દઈએ કે આ પહેલા કંગનાના ભાઈ કરણના લગ્નની તસવીરો સોશિયલ મીડિયા પર વાયરલ થઈ હતી. આ પ્રસંગે કંગનાએ લગ્નની કેટલીક તસવીરો પણ શેર કરી હતી અને ઘરના નવા સભ્ય અંજલીનું સ્વાગત કર્યું હતું.