'આઝાદી'વાળા નિવેદન પર કંગના રનૌતનો બચાવ, કહ્યું-અંગ્રેજોને કેમ જવાબદાર ઠેરવવામાં ન આવ્યા?

બોલીવૂડ એક્ટ્રેસ કંગના રનૌત ફરી એક વાર ભીખમાં મળેલી આઝાદીવાલા નિવેદનના કારણે ચર્ચામાં આવી છે. કંગનાએ કહ્યું હતું કે, 1947માં મળેલી આઝાદી ભીખમાં મળી હતી અને ભારતને સાચી આઝાદી 2014માં ભાજપ સરકાર આવવા બાદ મળી છે. કંગનાના આ નિવેદનની કેટલાંક ટિકાકારો ખૂબ જ ટિકા કરી રહ્યા છે. હવે કંગના રનૌતે પોતાનો લૂલો બચાવ કરતા એક લાંબી લચક ઈન્સ્ટાગ્રામ પોસ્ટ લખી છે.કંગના રનૌતે ઈન્સ્ટાગ્રામ પોસ્ટમાં એક આર્ટિકલ પબ્લિશ કર્યો છે. જેમાં બતાવવામાં આવ્યું છે કે, આખરે કેમ ભારતને બ્રિટન પાસેથી વળતર ન મળી શકે. કંગનાએ લખ્યું કે, કેમ અને કેવી રીતે ગોરા સામ્રાજ્યવાદી અને તેમના સમર્થક આવી બકવાસ લખી શકે છે? જો તમે શોધવાનો પ્રયાસ કરશો તો જવાબ ટાઈમ્સ નાઉ સમિટમાં આપવામાં આવેલુ મારૂ નિવેદન છે. આવું એટલા માટે કારણ કે આપણા રાષ્ટ્રના ઘડવૈયાઓએ ભારતમાં કરેલા અગણિત ગુનાઓ માટે અંગ્રેજોને દોષિત ઠેરવ્યા નથી. તેઓએ ખૂબ જ ખરાબ રીતે દેશની સંપતિ લૂંટી અને આપણને બે ભાગમાં વહેચવા માટે આપણા સ્વતંત્રતા સેનાનીઓની હત્યા કરી.

15 નવેમ્બરે ચંડીગઢમાં પત્રલેખાને પરણશે રાજકુમાર રાવ, સિમ્પલ પણ સુંદર છે લગ્નની કંકોત્રી
કંગનાએ આગળ લખ્યું કે, બીજા વિશ્વ યુદ્ધ બાદ અંગ્રેજ પોતાની મરજીથી ભારત છોડીને ચાલ્યા ગયા હતા અને વિંસ્ટન ચર્ચિલને ત્યારે એક વોર હીરો તરીકે દર્શાવવામાં આવ્યો હતો. આ એ જ વ્યક્તિ હતી કે જે બંગાળમાં દુષ્કાળ માટે જવાબદાર હતો અને સ્વતંત્ર ભારતમાં ક્યારેય ગુનાઓ માટે તેને દોષિત ન ઠેરવવામાં ન આવ્યો? નહીં. એક ગોરો અંગ્રેજ સિરિલ રેડક્લિફ કે જે ક્યારેય પહેલાં ભારતમાં આવ્યો નથી, તેને અંગ્રેજ માત્ર 5 અઠવાડિયામાં ભારતના ભાગલાની લાઈન ખેંચવા માટે લઈને આવ્યા.

કોંગ્રેસ અને મુસ્લિમ લીગ આ કમિટીના મેમ્બર હતા અને તેઓએ અંગ્રેજોની શરતો મુજબ ભાગલાને સ્વીકાર કરી લીધા હતા. જેના કારણે લાખો લોકોને પોતાનો જીવ ગુમાવવાનો વારો આવ્યો હતો. શું એ મરનારાઓને આઝાદી મળી? શું અંગ્રેજ કે કોંગ્રેસ કે જે આ ભાગલાને માની ગયા હતા, તેઓને આ હત્યાકાંડ માટે જવાબદાર ઠેરવવામાં આવ્યા?
આજે તુલસી વિવાહ અને દેવ પ્રબોધિની એકાદશી, જાણો શુભ મુહૂર્ત અને પૂજા વિધિ
મહત્વનું છે કે, કંગનાના નિવેદન બાદ કોંગ્રેસ, આમ આદમી પાર્ટી, શિવસેના અને એનસીપીએ જોરદાર પ્રતિક્રિયા આપી છે. આમ આદમી પાર્ટીએ મુંબઈ પોલીસને કંગના રનૌત વિરૂદ્ધ દેશદ્રોહનો કેસ દાખલ કરવાની માગ કરી છે. ભાજપના સાંસદ વરૂણ ગાંધીએ પણ કંગના રનૌતના આ નિવેદનની ટિકા કરતા તેની સરખામણી દેશદ્રોહી સાથે કરી હતી.