કંગનાએ CM ઉદ્ધવ પર ફરી ફોડ્યો ટ્વિટર બોમ્બ, બહેને તૂટેલી ઓફિસની સ્થિતિ ચકાસી

બોલીવુડ એક્ટ્રેસ કંગના રનૌત (Kangna Ranaut) અને મહારાષ્ટ્ર સરકાર (Maharashtra Govt) વચ્ચે વિવાદ વધારે ઊંડો થઈ રહ્યો છે. બૃહ્નમુંબઈ મ્યુનિસિપલ કોર્પોરેશન (Brihanmumbai Municipal Corporation -BMC)એ કંગનાની ઓફિસમાં જે તોડફોડ કરી છે તેનાથી તે ઘણી જ નારાજ થઈ છે. કંગનાની બહેન રંગોલી ચંદેલ (Rangoli Chandel)એ આજે ઓફિસ જઈને ત્યાની સ્થિતિની મુલાકાત લીધી છે. કંગનાની બહેને અહીની સ્થિતિની તસવીરો અને વિડીયો પણ લીધા છે. બીજી તરફ કંગનાએ ફરી એકવાર ઉદ્ધવ ઠાકરે (Uddhav Thackeray) સરકારને નિશાના પર લીધી છે. મહત્વનું છે કે, બોમ્બે હાઈકોર્ટ (Bombay High Court)ના સ્ટે બાદ કંગનાની ઓફિસમાં કરાઈ રહેલી તોડફોડનું કામ અટકાવી દીધું હતું. જે અંગે આજે સુનાવણી થવાની છે.

કંગનાએ આ એક્સનને સરકારની ગુંડગીરી ગણાવી

કંગના રનૌતે ટ્વીટ કરીને લખ્યું છે કે, હું એ વાતને ખાસ કરીને સ્પષ્ટ કરવા માગુ છું કે મહારાષ્ટ્રના લોકો સરકાર દ્વારા કરાયેલી ગુંડાગીરીની નિંદા કરે છે, મારા મરાઠી શુભચિંતકોના ઘણાં ફોન આવી રહ્યા છે, દુનિયા કે હિમાચલના લોકોના દિલમાં જે દુઃખ થયું છે તેઓ ક્યારેય એવું ના વિચારે કે મને અહીં પ્રેમ અને સન્માન નથી મળ્યું.

મહારાષ્ટ્ર સરકારની કાળી કરતૂત ગણાવી

કંગનાએ ગઈકાલે બનેલી ઘટના અંગે ટ્વીટ કરીને લખ્યું કે, "મારા ઘણાં મરાઠી મિત્રો ફોન પર રોયા, ઘણાંએ મને મદદ માટે સપર્ક નંબર આપ્યા, કેટલાક લોકો ઘરે જમવાનું મોકલી રહ્યા હતા, જે હું સિક્યોરિટી પ્રોટોકોલના કારણે સ્વીકાર ના કરી શકી, મહારાષ્ટ્ર સરકારની આ કાળી કરતૂતથી દુનિયામાં મરાઠી સંસ્કૃતિ અને ગૌરવને ઠેસ પહોંચી છે. જય મહારાષ્ટ્ર."

કંગનાની ઓફિસમાં BMCએ 2 કલાક કરી હતી તોડફોડ

કંગના રનૌતની ઓફિસ પર BMC દ્વારા બુધવારે લગભગ 2 કલાક જેટલો સમય તોડફોડ કરવામાં આવી હતી. BMC અધિકારીઓનું કહેવું છે કે તેમણે માત્ર ગેરકાયદેસર બાંધકામ દૂર કર્યું છે. જ્યારે કે કંગનાનું કહેવું છે કે તેની ઓફિસમાં કશું જ ખોટી રીતે નહોતું બનેલું. કંગનાએ કરેલી કોર્ટની અરજી પર આજે સુનાવણી થવાની છે, જેમાં BMC દ્વારા સાબિત કરવું પડશે કે તેમની એક્શન સાચી હતી.

કંગનાની બહેન રંગોલીએ લીધી ઓફિસની મુલાકાત

બીજી તરફ રિપોર્ટ્સ મુજબ કંગનાની બહેન રંગોલીએ ઓફિસમાં કરાયેલી તોડફોડવાળી જગ્યાની મુલાકાત લીધી છે અને આ મુલાકાત દરમિયાન તેણે કેટલાક ફોટોગ્રાફ્સ અને વિડીયો પણ લીધા છે.