21 વર્ષીય કન્નડ ટીવી અભિનેત્રી Chethana Rajનું પ્લાસ્ટિક સર્જરી પછી શંકાસ્પદ મોત, માતા-પિતાને નહોતી ઓપરેશનની જાણ

કન્નડ ટીવી અભિનેત્રી ચેતના રાજ (Chethana Raj)નું બેંગ્લોરની એક ખાનગી હોસ્પિટલમાં પ્લાસ્ટિક સર્જરી દરમિયાન મૃત્યુ થયું હોવાના સમાચાર સામે આવી રહ્યા છે. ઉલ્લેખનીય છે કે અભિનેત્રી ચેતના રાજની ઉંમર માત્ર 21 વર્ષ હતી. 16મી મેની સવારે અભિનેત્રી આ હોસ્પિટલમાં સારવાર માટે દાખલ થઈ હતી. પ્રાપ્ત જાણકારી અનુસાર, ચેતના રાજ ચરબી કઢાવવા માટે થતી ફેટ ફ્રી સર્જરી કરાવવા માટે હોસ્પિટલ ગઈ હતી. ચેતનાની સર્જરી તો થઈ ગઈ હતી પરંતુ સાંજના સમયે તેના ફેફસામાં પાણી ઘુસી જવાને કારણે સ્થિતિ કથળી ગઈ હતી.

આટલુ જ નહીં, સૂત્રો દ્વારા પ્રાપ્ત જાણકારી અનુસાર અભિનેત્રીએ પોતાના માતા-પિતાને આ સર્જરીની જાણકારી નહોતી આપી. ચેતના રાજના માતા-પિતા નહોતા જાણતા કે તેમની દીકરી આ પ્રકારે ફેટ સર્જરી કરાવવા માટે હોસ્પિટલ પહોંચી છે. તે પોતાના મિત્રો સાથે હોસ્પિટલ ગઈ હતી. તાજેતરમાં પ્રાપ્ત જાણકારી અનુસાર, ચેતનાના માતા-પિતા આરોપ મૂકી રહ્યા છે કે તબીબોની બેદરકારીને કારણે તેમની દીકરીનો જીવ જોખમમાં મૂકાયો હતો.

અત્યારે અભિનેત્રી ચેતના રાજનો મૃતદેહ હોસ્પિટલમાં જ છે અને પોસ્ટ મોર્ટમ માટે રમૈયા હોસ્પિટલમાં મોકલવામાં આવશે. હોસ્પિટલ કમિટી વિરુદ્ધ પોલીસ સ્ટેશનમાં ફરિયાદ દાખલ કરવામાં આવી છે. હજી સુધી આ કેસમાં હોસ્પિટલ તરફથી કોઈ નિવેદન જાહેર કરવામાં નથી આવ્યું. ઉલ્લેખનીય છે કે ચેતના રાજનો પરિવાર બેંગ્લોરના એબેગેરે તાલુકામાં રહે છે. ચેતના રાજે કલર્સ કન્નડમાં ગીતા, દોરાસાની અને લીનિંગ સ્ટેશન નામની સીરિયલોમાં કામ કર્યુ હતું. આ સિવાય ફિલ્મ હવાઈયનમાં પણ તેણે કામ કર્યુ હતું, જે હજી રીલિઝ નથી થઈ.

Anushka Sharmaનું છલકાયું દુઃખ, મા બન્યા બાદ કામ કરતી મહિલાઓને પડતી મુશ્કેલીઓ વિશે કરી વાત
ચેતના રાજના મૃત્યુ પછી હોસ્પિટલ સામે પ્રશ્નો ઉઠી રહ્યા છે. માતા-પિતા દ્વારા પ્રશ્ન કરવામાં આવી રહ્યો છે કે, આખરે માતા-પિતાની મંજૂરી વગર ચેતનાની ફેટ સર્જરી કેમ કરવામાં આવી. હોસ્પિટલમાં સાધનોનો પણ અભાવ હોવાનો આરોપ મૂકવામાં આવ્યો છે. હોસ્પિટલમાં દીકરીનો મૃતદેહ જોઈને અભિનેત્રીના માતા-પિતા ભાંગી પડ્યા હતા.