રાહુલ ગાંધી સાથે ડેટ પર જવા માગતી હતી કરીના, પોતે કર્યો ખુલાસો

I am Gujarat

બોલિવુડમાં કરીનાના સફળ ચઢાણ

શાહિદ કપૂર અને કરીના કપૂર ઘણા વર્ષ સુધી રિલેશનમાં રહ્યા જે બાદ બ્રેકઅપ થતાં બંને પોતાની લાઈફમાં આગળ વધી ગયા હતા. બ્રેકઅપના થોડા સમય બાદ કરીના કપૂરે તેનાથી ઊંમરમાં મોટા સૈફ અલી ખાન સાથે લગ્ન કરી લીધા અને હાલ તે એક બાળકની માતા છે, સાથે જ ફિલ્મ ઈન્ડસ્ટ્રીમાં આટલા વર્ષ સુધી કામ કર્યા બાદ પણ તેણે બોલિવુડની ટોપ એક્ટ્રેસમાં પોતાનું સ્થાન જાળવી રાખ્યું છે. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ફિલ્મ ‘રેફ્યૂજી’થી કર્યું ડેબ્યૂ

કરીના કપૂર ખાને વર્ષ 2002માં અભિષેક બચ્ચન સાથે ફિલ્મ ‘રેફ્યૂજી’થી ડેબ્યૂ કર્યું હતું. આ ફિલ્મમાં ડેબ્યૂ કર્યા બાદ કરીના એક ચેટ શોમાં પહોંચી હતી. જેનો વીડિયો સોશિયલ મીડિયામાં હાલ વાયરલ થયો છે. આ ચેટ શોમાં કરીના કપૂરે પોતાના વિશે ઘણી બધી વાતો કરી. ચેટ શોમાં જ્યારે તેને પૂછવામાં આવ્યું કે તે કોની સાથે ડેટ પર જવા માગે છે ત્યારે આ સવાલ પર કરીનાનો જવાબ ચોંકાવનારો હતો.

કોની સાથે ડેટ પર જવા માગતી હતી કરીના?

સવાલના જવાબમાં કરીનાએ કહ્યું કે તે રાહુલ ગાંધી સાથે ડેટ પર જવા માગે છે. કરીનાએ આગળ કહ્યું કે તે આના દ્વારા રાહુલ ગાંધી વિશે વધુ જાણવા માગે છે. તે અને રાહુલ ગાંધી એક પ્રભાવશાળી પરિવારમાંથી આવે છે. રાહુલ ગાંધી એક મોટા રાજનૈતિક પરિવાર અને તે ફિલ્મ ઈન્ડસ્ટ્રીમાં મોટું નામ ધરાવતા કપૂર પરિવારમાંથી આવે છે.

‘અમારી વાતચીત રસપ્રદ રહેશે’

કરીનાએ કહ્યું કે, ‘મને નથી ખબર કે મારે તેમનું નામ લેવું જોઈએ કે નહીં, પરંતુ જો મારે સવાલનો જવાબ આપવાનો જ છે તો પછી વિવાદ થાય તો પણ મને ફરક નથી પડતો. હું રાહુલ ગાંધી વિશે ઘણું બધું જાણવા માગું છું. હું એક ફિલ્મી પરિવારમાંથી આવું છું અને તે રાજનૈતિક પરિવારમાંથી એટલે મને લાગે છે કે અમારા વચ્ચે જે વાતચીત થશે તે રસપ્રદ હશે’.