કેટરિના કૈફને ઊંઘ ના આવે ત્યારે આ રીતે સુવડાવે છે વિકી કૌશલ, તેના આ ટેલેન્ટ વિશે ભાગ્યે જ કોઈ જાણતું હશે

બોલિવૂડ અભિનેત્રી કેટરિના કૈફ અત્યારે પોતાની અપકમિંગ ફિલ્મ ફોન ભૂતના પ્રમોશનમાં વ્યસ્ત છે. પ્રમોશન દરમિયાન તે ઘણાં ઈન્ટર્વ્યુ પણ આપી રહી છે, તેવામાં સ્વાભાવિક છે કે તેને વિકી કૌશલ અને મેરેજ લાઈફને લગતા પ્રશ્નો પૂછવામાં આવી રહ્યા છે. કેટરિના અને વિકીએ કોફી વિથ કરણની સાતમી સિઝનમાં આમ તો ઘણી રસપ્રદ વાતો કરી હતી. કોફી વિથ કરણમાં કેટરિનાએ જણાવ્યુ હતું કે, તેના જન્મદિવસ પર વિકી કૌશલે તેના માટે 45 મિનિટ સુધી ડાન્સ કર્યો હતો.

સાસુ Vina Kaushal અને સસરા Sham Kaushalની લાડલી બની ગઈ છે વહુ Katrina Kaif, આપ્યું છે હુલામણું નામ
એક એન્ટરટેઈનમેન્ટ પ્લેટફોર્મ સાથેની વાતચીતમાં જ્યારે કેટરિના કૈફને પૂછવામાં આવ્યું કે, વિકી કૌશલની કઈ એક વાત તમને ખૂબ પસંદ છે અને કઈ એક વાતથી તમને ચીડ ચઢે છે, તો અભિનેત્રીએ જણાવ્યું કે, વિકી કૌશલને મ્યુઝિકનો અને ડાન્સનો ઘણો શોખ છે. કોઈ પણ મ્યુઝિક પ્રત્યે તેનો પ્રેમ જોવા મળે છે. તે મ્યુઝિકને ઈમાનદારી સાથે એન્જોય કરે છે. જ્યારે તે ડાન્સ કરે છે ત્યારે તેની ખુશી જોવા જેવી હોય છે. તે ઘણો સારો સિંગર પણ છે. ઘણી વાર જ્યારે મને ઊંઘ નથી આવતી હું તેને કહુ છું કે, શું તુ મારા માટે ગીત ગાઈશ?

વિકી કૌશલની એક ત્રાસજનક આદત વિશે વાત કરતા કેટરિનાએ કહ્યું કે, ઘણીવાર તે જિદ્દી બની જાય છે. ઉલ્લેખનીય છે કે કેટરિના કૈફ અને વિકી કૌશલના લગ્ન ડિસેમ્બર મહિનામાં રાજસ્થાનમાં થયા હતા. આ બન્નેની જોડીને લોકો ખૂબ પસંદ કરે છે. તાજેતરમાં જ તેમણે દિવાળીના તહેવારની ઉલ્લાસભેર ઉજવણી કરી હતી, જેમાં કેટરિના કૈફ પણ ભારતીય પરંપરાઓનું અનુસરણ કરતી જોવા મળી હતી. કેટરિના અને વિકીએ સાથે મળીને લક્ષ્મીજીની પૂજા પણ કરી હતી. આ પહેલા પણ કેટરિના અને વિકીએ કરવાચૌથનો ઉપવાસ કર્યો હતો. જે તસવીરો પણ સોશિયલ મીડિયા પર શેર કરી હતી.

ડિવોર્સ લીધાના ઘણા વર્ષ બાદ ફરી પ્રેમમાં પડી Monica Dogra, ફ્રેન્ચ મ્યૂઝિશિયનને કરી રહી છે ડેટ
આ વાતચીત દરમિયાન કેટરિના કૈફે પોતાના કો-સ્ટાર્સ અને ઈન્ડસ્ટ્રીના અન્ય લોકો સાથે પણ વાતચીત કરી હતી. શાહરુખ ખાન સાથે વાત કરતા કેટરિનાએ જણાવ્યું કે, તે ખૂબ બુદ્ધિશાળી છે. તેમની સાથે જ્યારે પણ વાત કરો ત્યારે કંઈક નવુ શીખવા મળે છે. આ સિવાય પ્રિયંકા ચોપરા વિશે વાત કરતા તેણે કહ્યું કે, તેની પાસેથી મને પ્રેરણા મળે છે. સલમાન ખાન સાથે કામ કરવાની હંમેશા મજા આવે છે. આ સિવાય આલિયા વિશે તેણે કહ્યું કે, આલિયા ઘણી સ્પેશિયલ છે.
કેટરિના કૈફ અત્યારે ઈશાન ખટ્ટર અને સિદ્ધાંત ચતુર્વેદી સાથે ફોન ભૂતના પ્રમોશનમાં વ્યસ્ત છે. આ ફિલ્મમાં તે એક ભૂતના પાત્રમાં જોવા મળશે. વિકી કૌશલની વાત કરીએ તો તે અત્યારે મેઘના ગુલઝારની ફિલ્મ સેમ બહાદુરના શૂટિંગમાં વ્યસ્ત છે.