KBC 11: કન્ટેસ્ટન્ટે પત્નીની હાઈટ વિશે કરી વાત, બિગ બીએ કહ્યું 'હું કંઈ બોલ્યો તો વેલણ પડશે'

કૌન બનેગા કરોડપતિની 11મી સીઝન શરૂ થઈ ત્યારથી તેના દરેક એપિસોડમાં અમિતાભ બચ્ચન કોઈ મજેદાર વાત કહેતા રહે છે. છેલ્લા એપિસોડમાં પણ બિગ બીએ હોટ સીટ પર બેઠેલા કન્ટેસ્ટન્ટ ચંદન કુમાર સાથે કેટલીક મજેદાર વાતો કરી. તેમણે કહ્યું ક પત્નીની હાઈટના મામલે તેઓ કંઈ ન કહી શકે નહીં તો તેમને ઘરે જઈને વેલણ પડશે. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: બિગ બોસ સાથે વાત કરતાં ચંદન કુમારે જણાવ્યું કે તેણે પોતાની થનારી દુલ્હનની પસંદગી એટલા માટે કરી કારણ કે તેની હાઈટ સરસ છે. અમિતાભે મજાકિયા અંદાજમાં ઓડિયન્સને જણાવ્યું કે ચંદનના ટૂંક સમયમાં લગ્ન થવાના છે. યુવતીને હા પાડવા પાછળનું કારણ તેની હાઈટ છે. પછી તેમણે કહ્યું કે તેઓ હાઈટ વિશે કંઈ બોલી શકે તેમ નથી નહીં તો ઘરે જઈને વેલણ ખાવાનો વારો આવશે. બિગ બીએ આ વાત પત્નીના સંદર્ભમાં કહી. અમિતાભ અને જયા બચ્ચન બંનેની હાઈટ વચ્ચે ઘણો તફાવત છે. જો કે બંને સાથેમાં એકદમ પર્ફેક્ટ લાગે છે. પતિ-પત્નીએ ઘણી ફિલ્મોમાં કામ કર્યું છે. જેમાં શોલે, કભી ખુશી કભી ગમ, જંજીર, અભિમાન, સિલસિલા, ગુડ્ડી, મિલી, ચુપકે ચુપકે, ઉપહાર, કોરા કાગઝ, એક નઝરનો સમાવેશ થાય છે.