રિયા ચક્રવર્તી, ક્રિતિ સેનન, સુનિલ શેટ્ટી.... સુશાંત સિંહને અંતિમ વિદાય આપવા પહોંચ્યા હતા આ સેલેબ્સ

I am Gujarat

વિલેપાર્લે સ્થિત સ્મશાનગૃહમાં થયા અંતિમ સંસ્કાર

મુંબઈઃ સુશાંત સિંહ રાજપૂતનું પાર્થિવ શરીર પંચતત્વમાં વિલીન થઈ ચૂક્યું છે. તેને અંતિમ વિદાય આપવા માટે તેના પરિવારની સાથે જ બોલિવૂડના કેટલાક સેલેબ્સ પણ હાજર હતાં. જેમાં રિયા ચક્રવર્તી, ક્રિતિ સેનન, વિવેક ઓબેરોય જેવા સ્ટાર્સનો સમાવેશ થતો હતો. વિલેપાર્લેના સેવા સમાજ સ્મશાન ઘાટ પર તેને અંતિમ વિદાય આપવામાં આવી હતી. સુશાંત સિંહ રાજપૂતે ટીવીના પડદેથી પોતાના કરિયરની શરુઆત કરી હતી. જેથી અર્જુન બિજલાણી સહિતના ટીવી સ્ટાર્સ પણ હાજર રહ્યાં હતાં.હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

અંતિમ વિદાય આપવા પહોંચી શ્રદ્ધા કપૂર

સ્મશાન ઘાટ પર પોલીસનો પણ ચુસ્ત બંદોબસ્ત ગોઠવાઈ ગયો છે. કોવિડ-19ના નિયમોના કારણે વધુ વ્યક્તિઓ અંતિમયાત્રામાં સમાવેશ નહીં થઈ શકે. સુશાંતના પિતા અને પરિવારજનોએ સુશાંત સિંહને અંતિમ વિદાય આપી હતી. સુશાંત સિંહને અંતિમ વિદાય આપવા માટે બોલિવૂડ એક્ટ્રેસ શ્રદ્ધાકપૂર પણ પહોંચી હતી.

પોલીસનો ગોઠવાયો ચુસ્ત બંદોબસ્ત

નોંધનીય છે કે આ પહેલા સુશાંત સિંહ રાજપૂતના પિતા પટનાથી મુંબઈ પહોંચ્યા હતાં. એક રિપોર્ટ અનુસાર તેઓ એરપોર્ટથી ડિરેક્ટર કૂપર હોસ્પિટલ ગયા હતાં જ્યાં સુશાંતનો મૃતદેહ રાખવામાં આવ્યો હતો. પવન હંસ સ્મશાનગૃહમાં સુશાંતના અંતિમ સંસ્કાર કરવામાં આવશે. જેને લઈને મુંબઈ પોલીસ સ્મશાન ઘાટમાં સુરક્ષાનો બંદોબસ્ત ગોઠવ્યો છે.

રિયા ચક્રવર્તીની પણ હાજરી

સુશાંતની ખાસ દોસ્ત રિયા ચક્રવર્તી પણ અંતિમ સંસ્કારમાં પહોંચી હતી. તે પહેલા કૂપર હોસ્પિટલ ગઈ હતી જ્યાં સુશાંતનું પાર્થિવ શરીર રાખવામાં આવ્યું હતું. તે સુશાંતના પિતા અને તેના કઝિન સાથે વિલે પાર્લે સ્મશાન ઘાટ પહોંચી હતી.

‘છિછોરે’માં શ્રદ્ધા સાથે કર્યું હતું કામ

નોંધનીય છે કે શ્રદ્ધા કપૂરે સુશાંત સિંહ સાથે ‘છિછોરે’માં કામ કર્યું હતું. આ ફિલ્મમાં શ્રદ્ધા કપૂરે સુશાંત સિંહની પત્ની અને ગર્લફ્રેન્ડનો રોલ કર્યો હતો.

સુનિલ શેટ્ટી

સુશાંત સિંહને છેલ્લી વિદાય આપવા બોલિવૂડના અન્ના એટલે કે સુનિલ શેટ્ટીની પણ હાજરી હતી

મુકેશ છાબરા

સુશાંત સિંહને અંતિમ વિદાય આપવા કાસ્ટિંગ ડિરેક્ટર મુકેશ છાબરા પણ પહોંચ્યા હતાં. લોકડાઉન પહેલા સુશાંત સિંહે મુકેશ છાબરાની ‘દિલ બેચારા’માં કામ કર્યું હતું.

અંતિમવિધિમાં નજીકના લોકોને જ પરવાનગી

રિયા ચક્રવર્તી, ક્રિતિ સેનન, સુનિલ શેટ્ટી.... સુશાંત સિંહને અંતિમ વિદાય આપવા પહોંચ્યા હતા આ સેલેબ્સ

ખાસ દોસ્તો અને પરિવારના લોકો હાજર

નોંધનીય છે કે સુશાંત સિંહ રાજપૂતે ટીવીના નાના પડદેથી પોતાના કરિયરની શરુઆત કરી હતી. નાના એવા શહેરમાંથી માયાનગરી મુંબઈમાં આવીને સુશાંતે પોતાની મહેનતથી જ ફેન્સના દિલમાં પોતાનું સ્થાન બનાવ્યું હતું.