માધુરી દીક્ષિતના ઘરે નવા મહેમાનનું આગમન, પતિએ રાખ્યું આ નામ

I am Gujarat

માધુરીના ઘરે નવા મહેમાનની એન્ટ્રી

માધુરી દીક્ષિતના ઘરમાં એક નવા-નાના મહેમાનની એન્ટ્રી થઈ છે. માધુરીએ સોશિયલ મીડિયા પર આ નવા મહેમાનની તસવીરો શેર કરી ફેન્સને તેનાથી પરિચિત કરાવ્યા છે. આ નવા મહેમાનનું નામ છે કારમેલો નેને. હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

અરે… ચોંકશો નહીં

કારમેલો અસલમાં એક ડૉગ છે, જે હવે માધુરીના ઘરે પેટ છે. માધુરીએ પોતાના ટ્વીટર પર તેની તસવીરો શેર કરી અને લખ્યું, ‘અમારા ચહેરાઓ પર આ સ્માઈલ દેખાડી રહી છે કે, કેવી રીતે આ નાનું પપી અમારા દિલને ચોરીને લઈ ગયું. પરિવારમાં કોરમોલનું સ્વાગત છે. હું તમામ એનિમલ લવર્સને રિક્વેસ્ટ કરું છું કે, તેઓ પેટ્સ એડોપ્ટ કરે અને જુએ કે કેવી રીતે તે તમારી જિંદગીમં પ્રેમ અને ખુશીઓ ભરી દે છે.’

ડૉક્ટર નેનેએ ડૉગને ખોળામાં રમાડ્યું

નવા પપી સાથે માધુરીએ ઘણી બધી તસવીરો ખેંચાવી. એક તસવીરમાં તેના પતિ ડૉક્ટર નેને ડૉગને ખોળામાં રમાડી રહ્યાં છે. જણાવી દઈએ કે, આ પેટને માધુરી પોતાના પુત્રના બર્થ ડે એટલે કે, 20 માર્ચના રોજ ઘરે લાવી છે. તે આ પપીને PETA કે જે જાનવરોની સુરક્ષા માટે બનાવામાં આવેલી એક ઑર્ગેનાઈઝેશન છે ત્યાંથી લાવી છે. તે આ નવા મહેમાન સાથે ખુબ ખુશ દેખાઈ રહી છે.

‘કલંક’ના ક્લાસિકલ ગીતને લીધે ચર્ચામાં

માધુરી પોતાની આગામી ફિલ્મ ‘કલંક’ના કારણે ચર્ચામાં છે. ફિલ્મનું પહેલું ગીત રિલીઝ થઈ ગયું છે જેમાં માધુરી પોતાના ક્લાસિકલ ડાન્સની અદાઓથી લોકોને ઈમ્પ્રેસ કરી રહી છે. આ ફિલ્મ 17 એપ્રિલે રિલીઝ થઈ રહી છે. ફિલ્મમાં તેની સાથે આલિયા ભટ્ટ. સોનાક્ષી સિંહા, વરુણ ધવન, કૃણાલ રૉય કપૂર અને સંજય દત્ત પણ જોવા મળશે. આ ફિલ્મમાં બે દાયકા બાદ માધુરી અને સંજય સાથે દેખાશે.