બહેન અમૃતા સાથે થયો મલાઈકાનો ઝઘડો, કહ્યું- 'જરૂર હતી ત્યારે તું મારી સાથે નહોતી'

જ્યારથી એક્ટ્રેસ મલાઈકા અરોરા તેનો શો 'મૂવિંગ ઈન વિથ મલાઈકા' (Moving in with Malaika) લઈને આવી છે, ત્યારથી ઘણા ખુલાસા થયા છે, તેની બહેન અમૃતા અરોરા સાથેની તકરાર પણ સામે આવી છે. આ શોમાં મલાઈકાએ તેના અંગત જીવન અને કરિયર સાથે જોડાયેલા ઘણા રહસ્યો ખોલ્યા હતા. મલાઈકાનો પુત્ર અને બહેન અમૃતા પણ આ શોનો હિસ્સો બન્યા હતા. પરંતુ આ દરમિયાન તેમના ઝઘડાઓ સામે આવ્યા હતા. રિલીઝ થયેલા 'મૂવિંગ ઇન વિથ મલાઈકા'ના નવા પ્રોમોમાં બતાવવામાં આવ્યું હતું કે મલાઈકા અને અમૃતા કોઈ મુદ્દે ઝઘડો કરે છે. બંને તેમના ઝઘડા અને પેચ-અપને ઉકેલવા માટે લંચ ડેટ પર જાય છે. પરંતુ અહીં બંને બહેનો બીજા મુદ્દે ઝઘડો કરે છે.
પ્રોમોની શરૂઆત મલાઈકા અરોરાથી થાય છે. ગોવા પહોંચીને તે સીધી અમૃતા અરોરાના બેડરૂમમાં જાય છે અને પૂછે છે કે મારી બહેન મને કેમ અવગણી રહી છે? અમૃતા તેના ફોન તરફ જોતી રહે છે અને તે મલાઈકા સામે જોઈને પૂછે છે કે શું? તેને વિશ્વાસ નથી આવતો કે મલાઈકા તેના માટે આવું બોલી રહી છે.એટલામાં જ એક્ટર ડીનો મોરિયા ત્યાં આવે છે અને મલાઈકા અને અમૃતાને કહે છે કે તેમને એડવેન્ચર ગમે છે, તેથી તેઓ બધા કેમ્પિંગ માટે જઈ રહ્યા છે. મલાઈકા તરત જ સહમત થઈ જાય છે. આના પર અમૃતા ગુસ્સે થઈ જાય છે અને કહે છે કે એક વ્યક્તિ કહી રહ્યો છે કે હા ચાલો જઈએ, હા ચાલો. પરંતુ તે બરાબર છે. હું શું વિચારું છું તેની અહીં કોઈને પડી નથી. આ પછી અમૃતાએ કેમ્પિંગમાં જવાની ના પાડી દીધી. અમૃતા ના પાડી અને ત્યાંથી જતી રહી.

પછી મલાઈકા અમૃતા પાસે જાય છે અને તેના દુઃખનું કારણ પૂછે છે. ત્યારે અમૃતા કહે છે કે તે પાણીથી ખૂબ ડરે છે. અને પછી કહે છે કે જો તેઓ સાથે જશે તો તેઓ હંમેશાની જેમ એકબીજા સાથે લડશે. ત્યારબાદ મલાઈકા અને અમૃતાને બીચ પર ડાન્સ કરતા અને ચેટ કરતા બતાવવામાં આવ્યા છે. આ પછી મલાઈકા થોડી ઈમોશનલ થઈ જાય છે અને અમૃતાને પૂછે છે કે તું ઘણી સારી માતા, પત્ની અને મિત્ર છે. પણ તું સારી બહેન ક્યારે બનીશ? મલાઈકાએ સવાલ કર્યો કે જ્યારે તેને બહેનની સૌથી વધુ જરૂર હતી ત્યારે અમૃતા ત્યાં કેમ ન હતી.