આમિરે બહાર પાડ્યું 'દંગલ'નું દમદાર પોસ્ટર

એક બાજુ સલમાન ખાન પોતાની ફિલ્મ ‘સુલતાન’ માટે ચર્ચામાં છે, ત્યારે આ ફિલ્મની રિલીઝના બે દિવસ પહેલાં સુપરસ્ટાર આમિર ખાને પોતાની આગામી ફિલ્મ ‘દંગલ’નું પોસ્ટર રિલીઝ કર્યું છે. બંને ફિલ્મો રેસલિંગ આધારિત છે.

પોસ્ટર પર લખ્યું છે, ‘મ્હારી છોરિયાં છોરો સે કમ હે કે?’. લોકોને આ પોસ્ટર ઘણું પસંદ આવી રહ્યું છે, જેમાં આમિરની દીકરીઓનાં પાત્રો ભજવી રહેલી અભિનેત્રીઓ તેમની સાથે દેખાય છે.
Mhaari chhoriyaan chhoron se kum hain ke? pic.twitter.com/DICvp3grfE— Aamir Khan (@aamir_khan) July 4, 2016

ફિલ્મની વાર્તા પહેલવાન મહાવીર સિંહ ફોગટની બાયોપિક પર બેસ્ડ છે. ફિલ્મમાં આમિર ખાન હરિયાણાના પ્રખ્યાત પહેલવાન મહાવીર સિંહ ફોગટના જીવનને પડદા પર રજુ કરશે. આમિર ખાન, કિરણ રાવ અને સિધ્ધાર્થ રૉય કપૂર દ્વારા પ્રોડ્યૂસ કરવામાં આવેલી આ ફિલ્મનું ડિરેક્શન નિતેશ તિવારી કરી રહ્યાં છે. આ જ વર્ષે ડિસેમ્બર 23ના રોજ ફિલ્મ રિલીઝ થશે.