પર્યાવરણ દિવસ પર કરીના કપૂરે શેર કર્યો દીકરા તૈમૂરનો ખાસ વીડિયો

દર વર્ષે પાંચમી જૂને દુનિયાભરમાં યૂનિક થીમ પર 'વિશ્વ પર્યાવરણ દિવસ'ની ઉજવણી કરવામાં આવે છે. આજે પર્યાવરણ દિવસ છે અને આ વખતની થીમ 'ઈકો સિસ્ટમ રેસ્ટોરેશન' છે. પર્યાવરણ દિવસ પર કરીના કપૂર ખાને પણ તેના ઈન્સ્ટાગ્રામ હેન્ડલ પર સ્પેશિયલ મ્યૂઝિકલ વીડિયો શેર કર્યો છે જેમાં તેનો દીકરો તૈમૂર જોવા મળી રહ્યો છે.


વીડિયોમાં તૈમૂર દરિયાકિનારાની રેતીમાં રમતો જોવા મળી રહ્યો છે. આ સાથે તેણે લખ્યું છે કે, 'રક્ષણ, રૂઝાવું, પ્રેમ'. આ વીડિયોમાં તૈમૂર ક્યૂટ લાગી રહ્યો છે. તેણે પિંક-સ્કાય બ્લૂ કલરની ટોમ & ઝેરી પ્રિન્ટી ટી-શર્ટ પહેર્યું છે જ્યારે નીચે શોટ્સ પહેરી છે.

'રિટા રિપોર્ટર' શૂટિંગ માટે દીકરા સાથે આવી ગુજરાત, 'બાઘા'એ કરી નાનકડા અરદાસ સાથે મસ્તી
માધુરી દીક્ષિત, અર્જુન કપૂરથી લઈને શિલ્પા શેટ્ટી કુંદ્રા સહિતના બોલિવુડ સેલિબ્રિટીએ સોશિયલ મીડિયા પર તેમની પોતાની સ્ટાઈલમાં 'પર્યાવરણ દિવસ'ની ઉજવણી કરી છે.


કરીના કપૂરની પર્સનલ લાઈફની વાત કરીએ તો, એક્ટ્રેસ અને સૈફના ઘરે આ વર્ષના ફેબ્રુઆરી મહિનામાં બીજા દીકરાનો જન્મ થયો હતો. કરીનાએ સૈફ, તૈમૂર અને નાના દીકરાની એક તસવીર સોશિયલ મીડિયા પર શેર કરી હતી. આ સાથે તેણે લખ્યું હતું કે, 'મારો વીકએન્ડ આવો દેખાય છે? તમારે કેવો હોય છે?'. આ તસવીરમાં જો કે તેણે બીજા દીકરાનું મોં દેખાડ્યું નહોતું. કરીના-સૈફનો બીજો દીકરો ચાર મહિનાનો થવા આવ્યો છે પરંતુ તેમણે ન તો દીકરાનો ચહેરો ફેન્સને દેખાડ્યો છે કે ન તો તેનું નામ જણાવ્યું છે.

વિકી કૌશલ સાથેનો સંબંધ ઓફિશિયલ કરવા કેટરિના કૈફ તત્પર, ફિલ્મ માટે મૂકી રહી છે આ શરત!

બીજી ડિલિવરી બાદ કરીના કપૂરનું વજન વધી ગયું છે ત્યારે તે તેને ઉતારવામાં લાગી ગઈ છે. થોડા દિવસ પહેલા તેણે પોતાની એક સેલ્ફી શેર કરી હતી. જેમાં તે થોડી ફિટ જોવા મળી હતી. તસવીરની સાથે તેણે લખ્યું હતું કે, 'જે વસ્તુ જેટલી અરીસામાં દેખાઈ છે, તેનાથી ઘણી વધારે નજીક હોય છે...તેથી અંતર જાળવીને રાખો...કારણ કે આ ન્યૂ નોર્મલ છે'. ઉલ્લેખનીય છે કે, કરીના કપૂરની ગણતરી બોલિવુડની ફિટનેસ ફ્રિક હીરોઈનોમાં થાય છે. તૈમૂરના જન્મ બાદ પણ જ્યારે તેનું વજન વધી ગયું હતું ત્યારે તેને વર્કઆઉટ તેમજ ડાયટ કરીને ફિટ બની હતી.

પ્રોફેશનલ વર્ક ફ્રંટની વાત કરીએ તો, કરીના કપૂર ફિલ્મ 'લાલ સિંહ ચઢ્ઢા'માં જોવા મળવાની છે. જેમાં તેની સાથે આમિર ખાન છે. આ ફિલ્મ હોલિવુડની ફિલ્મ 'ફોરેસ્ટ ગમ્પ'ની હિંદી રિમેક છે.