એક્ટરે પોતાના ગામમાં જઈને વાવ્યા છોડ, પોતાના હાથે રસોઈ બનાવી દોસ્તોને જમાડ્યા

શાનદાર અભિનય કારણે બોલિવૂડમાં આગવી ઓળખ ઊભી કરનારો જાણીતો એક્ટર પંકજ ત્રિપાઠી દિવાળી નિમિત્તે પોતાના પૈતૃક ગામ બિહારના ગોપાલગંજ જિલ્લાના બેલસંડમાં છે. તે અત્યારે બોલિવૂડની ઝાકમઝાળથી દૂર પોતના ગામની માટીને સુશોભિત કરવામાં લાગેલો છે. પંકજ પોતાના ગામમાં હરિયાળી લાવવાના પ્રયાસ કરી રહ્યો છે. સાથે જ દેશની આબોહવા અને પર્યાવરણ બચાવવાના અભિયાન પણ જોડાયેલો છે. તે ગામના લોકોને વૃક્ષો વાવી પર્યાવરણ બચાવવાની સલાહ આપી રહ્યો છે. પંકજ ફિલ્મોમાંથી થોડા દિવસનો બ્રેક લઈ પોતાના ગામમાં પહોંચી ગયો છે. વૃક્ષો વાવવા ઉપરાંત તેણે અહીં મિત્રોને પોતાના હાથેથી લિટ્ટી ચોખા બનાવીને ખવડાવ્યા. પંકજ બરૌલી તાલુકાના બેલસંડ ગામનો રહેવાસી છે. માયાનગરીની ચકાચોંધથી દૂર પંકજ ગામમાં પોતાના માતા-પિતા અને મિત્રો સાથે દિવાળી સેલિબ્રેટ કરવા માટે ગામમાં પહોંચ્યો છે. અહીં પંકજ રોજ સવારે નીકળી પડે છે અને રોડના કિનારે વૃક્ષો વાવે છે. ખેતરોમાં ફરે છે અને આરામથી ત્યાંની હરિયાળીને નિહાળે છે. પંકજ ગામમાં દર 25 ફૂટના અંતરે છોડ વાવે છે. તેણે ગામમાં પીપળો, વડ, ગુલમહોર સહિત ઘણી જાતના છોડ વાવ્યા છે. પંકજ કહે છે કે, સરકાર પણ અત્યારે પર્યાવરણ બચાવવાના પ્રયાસો કરી રહી છે, આવામાં આપણી પણ ફરજ બને છે કે, તેમાં યોગદાન આપીએ. વૃક્ષારોપણ કર્યા બાદ પંકજે ગોપાલગંજના પોતાના મિત્રોને જાતે લિટ્ટી ચોખા બનાવી ખવડાવ્યા. તેમણે પોતે ગાયના ગોબરથી બનેલા છાણ પર લિટ્ટી બનાવી અને પછી બટાકા અને રિંગણના ચોખા બનાવી દોસ્તો સાથે તેની જયાફત ઉડાવી.