પ્રિયંકાની દીકરીને શું કહીને બોલાવે છે માસી પરિણીતી ચોપરા? પોતાની આ ફિલ્મ બતાવવાની ઈચ્છા વ્યક્ત કરી

અભિનેત્રી પરિણીતી ચોપરાએ તાજેતરમાં જ એક વાતચીત દરમિયાન પ્રિયંકા ચોપરા અને નિક જોનાસની દીકરી માલતી મેરી ચોપરા જોનાસ વિશે વાત કરી હતી. પરિણીતીને જ્યારે પૂછવામાં આવ્યું કે તે પોતાની કઈ ફિલ્મ માલતી મેરી જુએ તેમ ઈચ્છે છે તે પરિણીતીએ જણાવ્યું કે, તે કિડ્સ-ફ્રેન્ડલી ફિલ્મ હસી તો ફસી બતાવવા માંગે છે. પરિણીતીએ આ માટેનું કારણ પણ જણાવ્યુ હતું.

2014માં રીલિઝ થઈ હતી ફિલ્મ

ફિલ્મ હસી તો ફસીની વાત કરીએ તો આ ફિલ્મ 2014માં રીલિઝ થઈ હતી. ફિલ્મ વિનિલ મેથ્યુએ ડાઈરેક્ટ કરી હતી. ફિલ્મમાં સિદ્ધાર્થ મલ્હોત્રા પરિણીતી સાથે લીડ રોલમાં હતો. ફિલ્મમાં બન્નેની જોડીને લોકોએ ખૂબ પસંદ કરી હતી. ફિલ્મની સ્ટોરી એક લવ ટ્રાયન્ગલની છે, જેમાં સિદ્ધાર્થ મલ્હોત્રાનું પાત્ર પોતાની ગર્લફ્રેન્ડની બહેન(પરિણીતી ચોપરા)ના પ્રેમમાં પડે છે, અને લગ્નના દિવસે તેને આ વાત સમજાય છે. ફિલ્મે બોક્સ ઓફિસ પર એવરેજ પ્રદર્શન કર્યુ હતું. પરંતુ ફિલ્મના ગીતો હિટ સાબિત થયા હતા.

ત્રણ વર્ષ બાદ સ્વદેશ પરત ફરી રહી છે Priyanka Chopra, પહેલીવાર મામાના ઘરે જશે દીકરી Malti Marie
પરિણીતીએ કારણ પણ જણાવ્યું

તાજેતરમાં એક રેપિડ ફાયર રાઉન્ડ દરમિયાન જ્યારે પરિણતી ચોપરાને પૂછવામાં આવ્યું કે, માલતી મેરી મોટી થાય ત્યારે તેને પોતાની કઈ ફિલ્મ બતાવવા માંગે છે? આના જવાબમાં પરિણીતીએ કહ્યું કે, જો એમએમને મારી કોઈ ફિલ્મ જોવી હોય તો હું ઈચ્છીશ કે તે હસી તો ફસી જુએ, કારણકે તે મારી સૌથી વધારે કિડ-ફ્રેન્ડલી ફિલ્મ છે. હું તેને જણાવવા માંગુ છું કે તિશા(પરિણીતીનું નિકનેમ) માસી કેટલી ક્રેઝી છે.

ભાણેજ વાયુ બે મહિનાનો થયો છતાં રમાડવા નથી ગઈ માસી Janhvi Kapoor, બહેન Sonam Kapoorથી પણ જાળવ્યું અંતર
'ઊંચાઈ'માં જોવા મળશે પરિણીતી

ઉલ્લેખનીય છે કે જાન્યુઆરી, 2022માં પ્રિયંકા ચોપરા અને નિક જોનાસે માતા-પિતા બન્યા હોવાની જાહેરાત કરી હતી. સરોગસીના માધ્યમથી તે દીકરીના પેરેન્ટ્સ બન્યા છે. વર્ષ 2018માં તેમના લગ્ન થયા હતા. અત્યારે પ્રિયંકા પતિ અને દીકરી સાથે લોસ એન્જલસમાં રહે છે. તેમણે તાજેતરમાં જ દીકરી સાથે દિવાળીની ઉજવણી કરી હતી. પ્રિયંકા ચોપરા પાસે ઘણાં હોલિવૂડ પ્રોજેક્ટ છે. આ સિવાય તે ફરહાન અખ્તરની ફિલ્મ જી લે ઝરામાં પણ જોવા મળશે. પરિણીતી ચોપરાની વાત કરીએ તો, સૂરજ બડજાત્યાની ફિલ્મ ઊંચાઈમાં હવે તે જોવા મળશે, જે 11મી નવેમ્બરના રોજ રીલિઝ થશે. આ ફિલ્મમાં અમિતાભ બચ્ચન, બોમન ઈરાની, અનુપમ ખૈર, નીના ગુપ્તા વગેરે લીડ રોલમાં જોવા મળશે. ફિલ્મમાં પરિણીતી ચોપરા ટ્રેક ગાઈડના રોલમાં જોવા મળશે.