ફોટોગ્રાફરે શ્રદ્ધા કપૂરને લગ્ન વિશે પૂછ્યો સવાલ, એક્ટ્રેસે મરાઠીમાં આપ્યો જવાબ

બોલિવુડ એક્ટ્રેસ શ્રદ્ધા કપૂર આશરે એક મહિના પછી મુંબઈ પાછી આવી છે. આઉટડોર શૂટ પૂરું કરીને બુધવારે મોડી રાત્રે શ્રદ્ધા કપૂર મુંબઈ આવી છે. એરપોર્ટ પર શ્રદ્ધા કપૂર સ્ટાઈલિશ અવતારમાં જોવા મળી હતી. એરપોર્ટ પર શ્રદ્ધા કપૂરે ત્યાં હાજર ફોટોગ્રાફર્સ સાથે થોડી વાતચીત કરી હતી. દરમિયાન એક ફોટોગ્રાફરે શ્રદ્ધા કપૂરને લગ્ન વિશે સવાલ પૂછતાં એક્ટ્રેસે મરાઠીમાં જવાબ આપ્યો હતો.


ફોટોગ્રાફરે મરાઠીમાં શ્રદ્ધા કપૂરને લગ્ન વિશે પૂછતાં એક્ટ્રેસે મરાઠીમાં જવાબ આપતાં કહ્યું- 'કાય મ્હણતો'. મતલબ કે 'શું વાત કરો છો', એમ કહીને શ્રદ્ધાએ સવાલને ટાળી દીધો હતો.


શ્રદ્ધાના એરપોર્ટ લૂકની વાત કરીએ તો બ્લેક ઓવરકોટ અને વ્હાઈટ શર્ટ સાથે બેજ પેન્ટ અને બ્લેક બૂટ પહેર્યા હતા. શ્રદ્ધા કપૂર આ લૂકમાં ખૂબ જ સ્ટાઈલિશ લાગતી હતી.


જણાવી દઈએ કે, વરુણ ધવનના લગ્ન બાદ શ્રદ્ધાના કથિત બોયફ્રેન્ડ અને ફોટોગ્રાફર રોહન શ્રેષ્ઠાએ તેને શુભેચ્છા પાઠવી હતી. જેના જવાબમાં વરુણે હવે પછીનો નંબર તારો હશે એવી આશા છે તેમ કહ્યું હતું. ત્યારબાદ શ્રદ્ધા અને રોહનના લગ્નની ચર્ચાએ જોર પકડ્યું હતું. થોડા દિવસ પહેલા શક્તિ કપૂરે દીકરી શ્રદ્ધાના લગ્ન વિશે વાત કરતાં કહ્યું હતું, "જો તે મને આવીને કહેશે કે તેણે કોઈને પસંદ કર્યો છે અને તેની સાથે સંસાર શરૂ કરવા માગે છે, તો મને કોઈ વાંધો નહીં હોય."

શ્રદ્ધાના કથિત બોયફ્રેન્ડ રોહન વિશે વાત કરતાં શક્તિ કપૂરે કહ્યું હતું, "રોહન સારો છોકરો છે. તે અમારા ઘરે આવે છે પરંતુ આ વાત આજકાલની નથી તે નાનો હતો ત્યારથી અમારા ઘરે આવે છે. શ્રદ્ધાએ મને નથી કહ્યું તે તેની સાથે લગ્ન કરવાનું વિચારી રહી છે. મારા માટે તેઓ બાળપણના મિત્રો છે. મને નથી ખબર કે તેઓ એકબીજા માટે ગંભીર છે કે નહીં."

વર્કફ્રંટની વાત કરીએ તો શ્રદ્ધા છેલ્લે ટાઈગર શ્રોફ અને રિતેશ દેશમુખ સાથે ફિલ્મ 'બાગી 3'માં જોવા મળી હતી. આ ફિલ્મ માર્ચ 2020માં રિલીઝ થઈ હતી. હાલ શ્રદ્ધા રણબીર કપૂર સાથે લવ રંજનની આગામી ફિલ્મનું શૂટિંગ કરી રહી છે. આ ફિલ્મના શૂટ માટે જ શ્રદ્ધા દિલ્હી ગઈ હતી.