પ્રિયંકા ચોપરા (Priyanka Chopra) અને નિક જોનસ (Nick Jonas) પોપ્યુલર સેલિબ્રિટી કપલ પૈકીના એક છે. 2018માં નિક-પ્રિયંકાએ લગ્ન કર્યા ત્યારથી તેઓ સોશિયલ મીડિયા પર કે જાહેરમાં એકબીજા પ્રત્યેનો પ્રેમ વ્યક્ત કરવામાં ખચકાતા નથી. બંને પોતપોતાના ફિલ્ડમાં વ્યસ્ત હોવા છતાં એકબીજા માટે સમય કાઢી લે છે અને ક્વોલિટી ટાઈમ વિતાવે છે. નિક-પ્રિયંકા એનિવર્સરી હોય કે બર્થ ડે એકબીજા માટે કંઈક ને કંઈક ખાસ કરતા રહે છે. 16 સપ્ટેમ્બરે નિક જોનસનો 30મો બર્થ ડે હતો. ત્યારે પ્રિયંકાએ સુનિશ્ચિત કર્યું હતું કે આ દિવસે નિક પોતાની ગમતી વસ્તુ કરે. અમેરિકન સિંગર નિક જોનસને ગોલ્ફ રમવું પસંદ છે, જેની ઝલક પ્રિયંકા કેટલીયવાર સોશિયલ મીડિયા પર બતાવી ચૂકી છે. નિકના 30મા બર્થ ડે માટે પ્રિયંકાએ ગોલ્ફ ક્લબ બુક કરાવ્યું હતું. સ્કોટ્સડેલ નેશનલ ગોલ્ફ ક્લબમાં નિકનો બર્થ ડે પરિવાર અને મિત્રો સાથે ઉજવવામાં આવ્યો હતો.
પ્રિયંકાએ બતાવી નિકના બર્થ ડેની ઝલક
સોશિયલ મીડિયા પર એક્ટિવ રહેતી પ્રિયંકા ચોપરાએ પતિના બર્થ ડે સેલિબ્રેશનની ઝલક બતાવી છે. પ્રિયંકાએ એક રીલ શેર કરી છે જેમાં નિકના બર્થ ડે સેલિબ્રેશનની કેટલીય તસવીરો છે. જેમાં નિકના ફ્રેન્ડ્સ ઉપરાંત પરિવાર પણ જોવા મળી રહ્યો છે. તસવીરોમાં જોઈ શકાય છે કે નિકના પેરેન્ટ્સ, તેના ભાઈઓ જો, કેવિન અને ફ્રેન્કી જોવા મળી રહ્યા છે. નિકની પાર્ટી માટે ડ્રેસ કોડ વ્હાઈટ રાખવામાં આવ્યો હશે એટલે બધા જ સફેદ રંગના આઉટફિટ્સમાં જોવા મળી રહ્યા છે.
પ્રેગ્નેન્સીમાં કામ કરતી આલિયાની ટીકા કરતાં લોકોને રણબીરનો સણસણતો જવાબ, કહ્યાં ઈર્ષાળુ
સાસુને આલિંગન આપતી દેખાઈ પ્રિયંકા
આખો દિવસ ગોલ્ફ કોર્સમાં વિતાવ્યા પછી રાત્રે સૌએ આલિશાન બેન્ક્વેટમાં પાર્ટી કરી હતી. એક તસવીરમાં પ્રિયંકા ચોપરા સાસુ ડેનિસ પર પ્રેમ વરસાવતી જોવા મળી રહી છે. આ સિવાય પ્રિયંકા નિકને આલિંગન આપતી અને તેના ખોળામાં બેઠેલી તેમજ ગોલ્ફકાર્ટ ચલાવતી જોઈ શકાય છે. આ સિવાય નિક માટે મિરર પર સૌએ લિપસ્ટિકથી મેસેજ લખ્યા છે. ઉપરાંત નિક 30મા વર્ષમાં પ્રવેશ્યો છે ત્યારે 'ડમ્પિંગ યોર 20s' લખેલા ટોઈલેટ પેપર લાવવામાં આવ્યા હતા.
પતિ માટે લખી સ્પેશિયલ નોટ
પ્રિયંકાએ આ તસવીરો શેર કરતાં પતિ માટે સુંદર બર્થ ડે નોટ લખી હતી. પતિને અતુલ્ય ગણાવતાં એક્ટ્રેસે લખ્યું, "હેપીએસ્ટ બર્થ ડે માય લવ. તારી જિંદગીમાં હંમેશા ખુશીઓ અને ચહેરા પર સ્મિત અકબંધ રહે. આઈ લવ યુ નિક જોનસ." પાર્ટીની વ્યવસ્થા સરસ રીતે કરવા માટે આયોજકોનો આભાર માનતાં પ્રિયંકાએ લખ્યું, "આ વીકએન્ડ પર મારું દિલ ખુશીઓથી ભરાઈ ગયું. મારા પતિનો 30મો બર્થ ડે ઉજવવો છે તેનાથી શરૂઆત થઈ હતી પરંતુ અંતે ખૂબ સારો રહ્યો. NJના બધા જ મિત્રો અને પરિવાર સાથે હતો ત્યારે રૂમ ખુશીઓ અને પ્રેમથી છલકાઈ ગયો હતો. મારા અતુલ્ય પતિનું બર્થ ડે યાદગાર બનાવવા માટે તમારો આભાર માનું તેટલો ઓછો છે." નિકે આ પોસ્ટ પર કોમેન્ટ કરતાં લખ્યું, 'અદ્ભૂત સમય. તું શાનદાર છે.'
2018માં નિક-પ્રિયંકાએ કર્યા હતા લગ્ન
જણાવી દઈએ કે, પ્રિયંકા ચોપરા અને નિક જોનસે ભારતમાં 2018માં લગ્ન કર્યા હતા. કપલે હિન્દુ અને ખ્રિસ્તી રિવાજો મુજબ લગ્ન કર્યા હતા. આ વર્ષે જાન્યુઆરી મહિનામાં નિક અને પ્રિયંકા દીકરીના પેરેન્ટ્સ બન્યા છે. તેમની દીકરી માલતી મેરી ચોપરા જોનસનો જન્મ સરોગસીથી થયો છે. વર્કફ્રંટની વાત કરીએ તો, પ્રિયંકા 'ઈટ્સ ઓલ કમિંગ બેક ટુ મી' અને સીરીઝ 'સિટાડેલ' જેવા હોલિવુડ પ્રોજેક્ટમાં દેખાશે. ઉપરાંત ફરહાન અખ્તરની ફિલ્મ 'જી લે ઝરા'માં કેટરિના કૈફ અને આલિયા ભટ્ટ સાથે જોવા મળશે.
Read Latest Entertainment News And Gujarati News
પ્રિયંકાએ બતાવી નિકના બર્થ ડેની ઝલક
સોશિયલ મીડિયા પર એક્ટિવ રહેતી પ્રિયંકા ચોપરાએ પતિના બર્થ ડે સેલિબ્રેશનની ઝલક બતાવી છે. પ્રિયંકાએ એક રીલ શેર કરી છે જેમાં નિકના બર્થ ડે સેલિબ્રેશનની કેટલીય તસવીરો છે. જેમાં નિકના ફ્રેન્ડ્સ ઉપરાંત પરિવાર પણ જોવા મળી રહ્યો છે. તસવીરોમાં જોઈ શકાય છે કે નિકના પેરેન્ટ્સ, તેના ભાઈઓ જો, કેવિન અને ફ્રેન્કી જોવા મળી રહ્યા છે. નિકની પાર્ટી માટે ડ્રેસ કોડ વ્હાઈટ રાખવામાં આવ્યો હશે એટલે બધા જ સફેદ રંગના આઉટફિટ્સમાં જોવા મળી રહ્યા છે.
પ્રેગ્નેન્સીમાં કામ કરતી આલિયાની ટીકા કરતાં લોકોને રણબીરનો સણસણતો જવાબ, કહ્યાં ઈર્ષાળુ
સાસુને આલિંગન આપતી દેખાઈ પ્રિયંકા
આખો દિવસ ગોલ્ફ કોર્સમાં વિતાવ્યા પછી રાત્રે સૌએ આલિશાન બેન્ક્વેટમાં પાર્ટી કરી હતી. એક તસવીરમાં પ્રિયંકા ચોપરા સાસુ ડેનિસ પર પ્રેમ વરસાવતી જોવા મળી રહી છે. આ સિવાય પ્રિયંકા નિકને આલિંગન આપતી અને તેના ખોળામાં બેઠેલી તેમજ ગોલ્ફકાર્ટ ચલાવતી જોઈ શકાય છે. આ સિવાય નિક માટે મિરર પર સૌએ લિપસ્ટિકથી મેસેજ લખ્યા છે. ઉપરાંત નિક 30મા વર્ષમાં પ્રવેશ્યો છે ત્યારે 'ડમ્પિંગ યોર 20s' લખેલા ટોઈલેટ પેપર લાવવામાં આવ્યા હતા.
પતિ માટે લખી સ્પેશિયલ નોટ
પ્રિયંકાએ આ તસવીરો શેર કરતાં પતિ માટે સુંદર બર્થ ડે નોટ લખી હતી. પતિને અતુલ્ય ગણાવતાં એક્ટ્રેસે લખ્યું, "હેપીએસ્ટ બર્થ ડે માય લવ. તારી જિંદગીમાં હંમેશા ખુશીઓ અને ચહેરા પર સ્મિત અકબંધ રહે. આઈ લવ યુ નિક જોનસ." પાર્ટીની વ્યવસ્થા સરસ રીતે કરવા માટે આયોજકોનો આભાર માનતાં પ્રિયંકાએ લખ્યું, "આ વીકએન્ડ પર મારું દિલ ખુશીઓથી ભરાઈ ગયું. મારા પતિનો 30મો બર્થ ડે ઉજવવો છે તેનાથી શરૂઆત થઈ હતી પરંતુ અંતે ખૂબ સારો રહ્યો. NJના બધા જ મિત્રો અને પરિવાર સાથે હતો ત્યારે રૂમ ખુશીઓ અને પ્રેમથી છલકાઈ ગયો હતો. મારા અતુલ્ય પતિનું બર્થ ડે યાદગાર બનાવવા માટે તમારો આભાર માનું તેટલો ઓછો છે." નિકે આ પોસ્ટ પર કોમેન્ટ કરતાં લખ્યું, 'અદ્ભૂત સમય. તું શાનદાર છે.'
2018માં નિક-પ્રિયંકાએ કર્યા હતા લગ્ન
જણાવી દઈએ કે, પ્રિયંકા ચોપરા અને નિક જોનસે ભારતમાં 2018માં લગ્ન કર્યા હતા. કપલે હિન્દુ અને ખ્રિસ્તી રિવાજો મુજબ લગ્ન કર્યા હતા. આ વર્ષે જાન્યુઆરી મહિનામાં નિક અને પ્રિયંકા દીકરીના પેરેન્ટ્સ બન્યા છે. તેમની દીકરી માલતી મેરી ચોપરા જોનસનો જન્મ સરોગસીથી થયો છે. વર્કફ્રંટની વાત કરીએ તો, પ્રિયંકા 'ઈટ્સ ઓલ કમિંગ બેક ટુ મી' અને સીરીઝ 'સિટાડેલ' જેવા હોલિવુડ પ્રોજેક્ટમાં દેખાશે. ઉપરાંત ફરહાન અખ્તરની ફિલ્મ 'જી લે ઝરા'માં કેટરિના કૈફ અને આલિયા ભટ્ટ સાથે જોવા મળશે.
Read Latest Entertainment News And Gujarati News