રાજકારણમાં રજનીકાંતઃ 31 ડિસેમ્બરે નવી પોલિટિકલ પાર્ટીની કરશે જાહેરાત

સુપરસ્ટાર રજનીકાંતે સત્તાવાર રીતે રાજકારણમાં પ્રવેશવાની ઘોષણા કરી છે. તેના ચાહકો 24 વર્ષથી આ જાહેરાતની રાહ જોઈ રહ્યા છે. 1996માં તેમણે એક રાજકીય નિવેદન આપ્યું હતું જેની પરિણામ પર મોટી અસર પડી. રજનીકાંતે ટ્વિટ કરીને લખ્યું કે, હવે બધું બદલવાનો સમય છે.

રજનીકાંતે સોમવારે પોતાના ફોરમના ઑફિસર્સ સાથે પોતે રાજકિય પાર્ટી બનાવે તો કેવું રહેશે તે વાત પર ચર્ચા કરવા માટે મિટીંગ કરી હતી. તેમની આ બેઠક ચેન્નઇમાં રાઘવેન્દ્ર મંડપમમાં રજની મક્કલ મંડરમના જિલ્લા સચિવો સાથે થઇ હતી. રજની મક્કલ મંડરમના પ્રતિનીધિઓ સાથે રજનીકાંતે જ્યારે 2021માં રાજ્યની ચૂંટણી લડવાનો આગ્રહ કર્યો ત્યારે સુપરસ્ટારે તે લોકોને ધીરજ ધરવા કહ્યું હતું અને આ મુદ્દે કોઇ નિર્ણય લઇ જ લેવો જોઇએ તેવું કહ્યું હતું.


આ બેઠક બાદ રજનીકાંતે તમિળ ભાષામાં ટ્વિટ કર્યું છે, જેનો અર્થ છે કે અમે ચોક્કસપણે આગામી વિધાનસભાની ચૂંટણીમાં જીતીશું અને કોઈ પણ ધર્મ અને જાતિના ભેદભાવ વિના પ્રામાણિક, પારદર્શક, ભ્રષ્ટાચાર મુક્ત રાજકારણ આપીશું. તેમણે લખ્યું છે કે હવે બધું બદલવાનો સમય છે કારણ કે હવે નહીં તો ક્યારેય નહીં. રજનીના ટ્વિટ મુજબ, તેઓ જાન્યુઆરીમાં પાર્ટીની શરૂઆત કરશે અને આ જાહેરાત 31 ડિસેમ્બરે કરવામાં આવશે.

રજનીકાંતે 1996 ની ચૂંટણીમાં શાસક પક્ષ એઆઈએડીએમકે વિરુદ્ધ પ્રચાર કર્યો હતો. આ પાર્ટીની અધ્યક્ષતા જયલલિતા હતા. ચૂંટણીનું પરિણામ દ્રવિડ મુનેત્ર કઝગમ (ડીએમકે) ની તરફેણમાં આવ્યું. તેનું વડા કરૂણાનિધિ હતું. ત્યારબાદથી ચાહકો રજનીકાંતની રાજનીતિમાં આવવાની રાહ જોઇ રહ્યા હતા. 31 ડિસેમ્બર 2017 ના રોજ, રજનીકાંતે જાહેરાત કરી હતી કે તેઓ વહેલી તકે તેમની પાર્ટીની ઘોષણા કરશે અને 2021 માં તમિળનાડુની સામાન્ય ચૂંટણીમાં તમામ 234 મતવિસ્તારમાં લડશે.