'ધ વ્હાઈટ ટાઈગર'ના સેટ પર કેવું વર્તન કરતી હતી પ્રિયંકા ચોપરા? રાજકુમાર રાવે જણાવ્યું

રાજ કુમાર રાવ હાલ દેહરાદુનમાં ફિલ્મ 'બધાઈ દો'નું શૂટિંગ કરી રહ્યો છે. એક્ટર પાસે હાલ પ્રિયંકા ચોપરા, જાહ્નવી કપૂર, ભૂમિ પેડનેકર અને ક્રીતિ સેનન સાથેની ફિલ્મ છે. અમારા સહયોગી ETimesને આપેલા એક્સક્લુઝિવ ઈન્ટરવ્યૂમાં રાજકુમારે તે કેમ શાહરુખ ખાનનો ફેન છે તેમજ પ્રિયંકા ચોપરા સાથે કામ કરવાનો અનુભવ તેમજ ફિલ્મમેકર હંસલ મહેતા સાથેના લોન્ગ સ્ટેન્ડિંગ રિલેશનશિપ વિશે વાત કરી હતી.

રાજકુમાર રાવે જણાવ્યું કે, 'પ્રિયંકા અસાધારણ છે. તે ચિલ્ડ આઉટ વ્યક્તિ છે. તે ગ્લોબલ સ્ટાર છે તેમ છતાં અમને તેણે ક્યારેય એવું ફીલ નથી કરાવ્યું કે તે અમારા સેટ પર સૌથી મોટી સ્ટાર હતી. હું હંમેશાથી તેના કામનો પ્રશંસક રહ્યો છે. દિગ્ગજ એક્ટર્સ સાથે કામ કરવું તે મજેદાર છે કારણ કે તેનાથી તમારું પર્ફોર્મન્સ પણ વધે છે. અને પ્રિયંકાએ પણ મારી સાથે આમ જ કર્યું. તેણે મને મારા સીનમાં પણ મદદ કરી. હું તેની સાથે વધારે કામ કરવા તરફ રાહ જોઈ રહ્યો છું અને આશા રાખું છું કે તેમ જલ્દી થશે'.

તે અત્યારસુધીમાં ઘણી અલગ-અલગ ભૂમિકાઓ ભજવી છે, તેમાંથી સૌથી પડકારજનક કઈ હતી? તેમ પૂછતાં રાજકુમાર રાવે કહ્યું કે, 'હું કોઈ એકની પસંદગી કરી શકું નહીં. મેં તમામ ભૂમિકાઓને એન્જોય કરી છે. મેં અલગ-અલગ કેરેક્ટર્સ માટે મહેનત પણ કરી છે. તમે મારી તમામ અપકમિંગમાં મને અલગ રોલમાં જોશો. જાહ્નવી કપૂર સાથે રુહી અફઝા, પ્રિયંકા ચોપરા સાથે ધ વ્હાઈટ ટાઈગર, ક્રીતિ સેનન સાથે દિનેશ વિઝાનની ફિલ્મ અને ભૂમિ પેડનેકર સાથે બધાઈ દો'.

હંસલ મહેતા સાથે રાજકુમારે ઘણું કામ કર્યું છે, ત્યારે આ અંગે વાત કરતાં તેણે કહ્યું કે, 'મારા હંસલ સર સાથેના સંબંધો પ્રોફેશનલ કરતાં પર્સનલ વધું છે. તેઓ મારા માટે પિતા અને ફ્રેન્ડ છે. અમારે વાતચીત કરવા માટે વધારે શબ્દોની જરૂર પડતી નથી. તેઓ આપણા દેશના સૌથી સારા ડિરેક્ટર્સમાંથી એક છે'.

રાજકુમાર શાહરુખ ખાનનો મોટો ફેન છે, તેની કઈ વાત તેને પ્રેરિત કરે છે તે અંગે તેણે કહ્યું કે, 'હું શાહરુખ ખાન સરના કારણે એક્ટર છું. તેમને સ્ક્રીન પર જોઈને જ મને ઈન્ડસ્ટ્રીમાં આવવાનો વિચાર થયો કારણ કે હું તેમની જર્ની સાથે કનેક્ટ કરી શકું છું. તેમણે મને શીખવ્યું છે કે, જો તમારી પાસે સપનું છે અને તમે કપરી મહેનત કરવા માટે તૈયાર છો તો સપનું સાચુ થશે. આપણે સૌ જાણીએ છીએ કે તેઓ કેટલા ચાર્મિંગ છે અને તેઓ દરેકને કેવી રીતે સ્પેશિયલ ફીલ કરાવે છે. તેમની પાસેથી શીખવા જેવું ઘણું છે'.