કિડની ટ્રાન્સપ્લાન્ટ બાબતે 'ભલ્લાલદેવ' રાણા દગ્ગુબાટીએ કર્યો મોટો ખુલાસો

સાઉથના ફિલ્મમેકર એસએસ રાજામૌલીની બ્લોકબસ્ટર ફિલ્મ 'બાહુબલી'માં 'ભલ્લાલદેવ'નો રોલ કરીને પોતાની ઓળખ બનાવનાર સાઉથ એક્ટર રાણા દગ્ગુબાટી (Rana Daggubati) આજકાલ પોતાની વેબ સિરીઝ 'રાણા નાયડુ' માટે ચર્ચામાં છે. આ વેબ સિરીઝ ઓટીટી પ્લેટફોર્મ નેટફ્લિક્સ પર રિલીઝ કરવામાં આવી છે. તેણે તાજેતરમાં પોતાના હેલ્થ ઈશ્યુ અને કિડની ટ્રાન્સપ્લાન્ટ વિશે ખુલાસો કર્યો છે. તેણે કહ્યું કે તે તેની જમણી આંખથી સરખું જોઈ શકતો નથી અને તેણે આંશિક અંધત્વ વિશે પણ વાત કરી છે.
રાણા દગ્ગુબાટી (Rana Daggubati)એ કહ્યું કે, 'હું મારી જમણી આંખથી જોઈ શકતો નથી, તેથી અલગ રીતે ઓપરેટ કરું છું. ઘણાં લોકો શારીરિક સમસ્યાને કારણે તૂટી જાય છે અને જો તેઓ ઠીક થઈ જાય તો પણ તેઓ પર ભારેપણું રહે છે. મારું કોર્નિયલ ટ્રાન્સપ્લાન્ટ (Corneal transplantation) થયું હતું, મારી કિડની ટ્રાન્સપ્લાન્ટ થઈ હતી. હું વિચારતો હતો કે 'હું હજી જીવતો છું અને બસ ચાલતા રહેવાનું છે.'
રાણા દગ્ગુબાટીએ વધુમાં વાત કરતા જણાવ્યું કે, એક એવો સમય હતો કે જ્યારે મારા જીવનમાં અચાનક બ્રેક વાગી હતી. તેનું બ્લડ પ્રેશર હાઈ થઈ ગયું હતું અને હાર્ટમાં મોટો પ્રોબ્લેમ થઈ ગયો હતો. જેથી તેની કિડની પર પણ અસર થઈ હતી. તેના જીવનમાં એવી સ્થિતિ ઊભી થઈ હતી કે તેને સ્ટ્રોકનો ખતરો વધી ગયો હતો અને મોત થવાની પણ શક્યતાઓ રહેલી હતી. તેણે પોતે આંશિકરીતે અંધ હોવાનો પણ ખુલાસો કર્યો હતો અને કહ્યું હતું કે તે પોતાની જમણી આંખથી જોઈ શકતો નથી.
વર્ષ 2016માં એક ચેટ શૉ દરમિયાન તેણે પોતાની આંખ વિશે ખુલાસો કરતા કહ્યું હતું કે, 'મારી જમણી આંખ કામ કરતી નથી, હું માત્ર ડાબી આંખથી જ જોઈ શકું છું. મારી જમણી આંખ બીજા કોઈની છે, એક વ્યક્તિએ તેના મૃત્યુ બાદ મને તેની આંખ દાન કરી હતી પણ અત્યારે હું મારી ડાબી આંખ બંધ કરું તો હું કંઈ જોઈ શકતો નથી. તેથી હું અલગ રીતે તેને ઓપરેટ કરું છું. મારું કિડની ટ્રાન્સપ્લાન્ટ થયું હતું એટલે ક્યારેક એવું લાગે કે જાણે હું ટર્મિનેટર છું.