બેબોના ઘરે ક્યારે થશે નાનકડા મહેમાનનું આગમન? પિતા રણધીર કપૂરે જણાવ્યું

કરીના કપૂર અને સૈફ અલી ખાન બીજીવાર માતા-પિતા બનવાના છે. બંનેએ જ્યારથી આ ગુડ ન્યૂઝ આપ્યા છે ત્યારથી સોશિયલ મીડિયા પર તેને ફેન્સ અને ફ્રેન્ડ્સ તરફથી અભિનંદન મળી રહ્યા છે. કરીનાના પિતા રણધીર કપૂર પણ ફરી એકવાર નાના બનવાના હોવાથી ઉત્સાહિત છે. તેમણે કરીનાની ડ્યૂ ડેટ પણ જણાવી છે.

રણધીર કપૂર ફરીથી નાના બનવાના હોવાની વાતથી ખુશ છે. કરીનાની પ્રેગ્નેન્સી અંગે જ્યારે તેમને સવાલ કરવામાં આવ્યો તો તેમણે કહ્યું કે, દંપતીને બે બાળકો તો હોવા જ જોઈએ. એકબીજાની કંપની મળી રહે છે. આ અંગે તેમણે એક વેબ પોર્ટલ સાથે પણ વાત કરી હતી. જેમાં તેમણે કહ્યું કે, 'બેબો અને સૈફે અમને થોડા દિવસ પહેલા જ ન્યૂઝ આપ્યા હતા. અમે ખુશ છીએ. કરીનાની ડિલિવરી આવતા મહિનાના માર્ચ મહિનાની આસપાસ થશે'.

કરીના અને સૈફે પણ સ્ટેટમેન્ટ જાહેર કર્યું હતું. જેમાં તેમણે લખ્યું હતું કે, અમને તે જણાવતા ખુશી થઈ રહી છે કે, અમારા પરિવારમાં એક નાનકડા સભ્યનું આગમન થવાનું છે. પ્રેમ અને સપોર્ટ કરવા બદલ અમારા શુભચિંતકોનો આભાર.

કરીના કપૂર બીજા બાળક માટે પહેલાથી જ એક્સાઈટેડ હતી. આ માટે તેણે પ્લાન પણ કરીને રાખ્યો હતો. વર્ષ 2018માં કરીનાના ચેટ શો પર તેને બીજા બાળક પર સવાલ કરવામાં આવ્યો ત્યારે તેણે 'બે વર્ષ બાદ' તેવો જવાબ આપ્યો હતો.