સિંગિંગ સેન્સેશન રાનુ મંડલનો એક નવો વિડીયો ઈન્ટરનેટ પર ખૂબ વાઈરલ થઈ રહ્યો છે. આ વિડીયોમાં રાનુ સલમાન ખાન અને ભાગ્યશ્રીની ફિલ્મ ‘મૈંને પ્યાર કિયા’નું ગીત ‘દિલ દીવાના’ ગાતા નજરે પડી રહી છે. વિડીયો ભલે અત્યારે વાઈરલ થઈ રહ્યો હોય, પરંતુ આ લેટેસ્ટ નથી. આ રાનુનો જૂનો વિડીયો છે. જેને 24 ઓગસ્ટ 2019એ યુ-ટ્યુબ પર અપલોડ કરાયો હતો. ઈન્ટરનેય પર આવતા જ આ વિડીયો રાનુ મંડલના ફેન્સના દિલો પર છવાઈ ગયો હતો. હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો: કેટલાક લોકોએ રાનુના વિડીયો સાથે ‘મૈંને પ્યાર કિયા’ ગીતનો અસલી વિડીયો જોડી દીધો છે. જ્યારે કેટલાક રાનુનો અસલી વિડીયો શેર કરી રહ્યા છે. ઉપરાંત રાનુનો અવાજ સાંભળીને ફેન્સ તેની પ્રશંસા કરી રહ્યા છે. ઉલ્લેખનીય છે કે રાનુ મંડલનો લતા મંગેશકરનું ગીત ગાતો એક વિડીયો વાઈરલ થયા બાદ રાતો રાત કિસ્મત ચમકી ઉઠી હતી. રાનુનો અવાજ સાંભળી હિમેશ રેશમિયાએ પણ તેની સાથે બે ગીત કમ્પોઝ કર્યા છે. ઉપરાંત તે ટીવી શોમાં પણ જોવા મળી હતી. રાનુના આ નવા સોંગે ખૂબ ધમાલ મચાવી છે અને તેને ખૂબ સાંભળવામાં આવી રહ્યું છે.