આ કારણે દોઢ વર્ષ સુધી ઘરમાં પૂરાયેલો રહ્યો હની સિંહ
I am Gujarat22 Aug 2017, 12:12 pm
પૉપ સિંગર હની સિંહ
થોડાક સમય પહેલા બોલિવૂડ ઈન્ડસ્ટ્રીમાં એક સિંગરની એન્ટ્રી થઈ અને તે છવાઈ પણ ગયો. અને તે નામ છે યો યો હની સિંહ. લોકો યો યો હની સિંહના સોંગ્સને ખુબ પસંદ કરતા હતા. પણ આ રૅપર એકાએક ઈન્ડસ્ટ્રીમાંથી ગાયબ થઈ ગયો.
અનેક અફવાઓ ચાલી
યો યો વિષે અનેક પ્રકારની અફવાઓ સામે આવી. કહેવામાં આવ્યું કે તે ડ્રગ્સનો શિકાર બન્યો છે અને તે આદત છોડવા માટે રિહેબ સેન્ટરમાં સારવાર કરાવી રહ્યો છે.
શાહરુખ સાથે લડાઈ
એક અફવા એવી પણ હતી કે એક ટ્રિપ દરમિયાન યો યોને શાહરુખે લાફો માર્યો હતો. પણ યો યોની પત્નીએ આ વાત ફગાવી હતી અને કહ્યું કે, શાહરુખ કેમ તેને લાફો મારે? હની શાહરુખ માટે ઘણું માન ધરાવે છે અને શાહરુખ પણ તેને નાના ભાઈની જેમ રાખે છે.
યો યોએ કર્યો ખુલાસો
જ્યારે હની સિંહ 18 મહિના ગાયબ રહીને ફેન્સ સામે પાછો ફર્યો તો તેણે પોતે ખુલાસો કર્યો કે તે અત્યાર સુધી ક્યાં હતો. તેણે કહ્યું કે હું આટલો સમય નોએડા સ્થિત મારા ઘરમાં હતો. હું બાયપોલર ડિસઓર્ડર નામની બીમારીથી પીડિત હતો. આ બીમારી 18 મહિના લાંબી ચાલી. આ દરમિયાન મેં 4 ડોક્ટર બદલ્યા. દવા પણ અસર નહોતી કરતી.
શું છે આ બીમારી?
બાયપોલર ડિસઓર્ડર એક એવી બીમારી છે જે ડિપ્રેશન જેવી જ હોય છે. તેમાં માણસ અથવા તો વધારે પડતા ખુશ હોય છે અથવા તો વધારે પડતું દુખ અનુભવે છે. હની સિંહ કહે છે આ ઘણો ડરામણો અનુભવ હતો. એક સમય એવો હતો જ્યારે મને લાગ્યું કે મારે આખું જીવન આમ જ રહેવું પડશે. હું મારા રુમથી પણ બહાર નહોતો આવતો.
લોકોનો ડર
હની સિંહ કહે છે કે, એક સમયે હું લાખો લોકો સામે પરફોર્મ કરતો હતો અને પછી મને 4-5 લોકોના સામે આવવાની પણ બીક લાગતી હતી. પણ ચોથા દિલ્હીના ડોક્ટરે મારી સારવાર શરુ કરી ત્યારે દવાઓ અસર કરવા લાગી
કમબેક કરશે
હની સિંહ અત્યારે સ્વસ્થ છે અને પોતાના આગામી પ્રોજેક્ટ્સ પર કામ કરી રહ્યો છે.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.