સુશાંત કેસમાં FIR બાદ પહલી વખત સામે આવી રિયા ચક્રવર્તી, જાહેર કર્યો VIDEO

મુંબઈઃ સુશાંત સિંહ રાજપૂતના આપઘાત કેસમાં રિયા ચક્રવર્તી સામે સુશાંતના પિતા કેકે સિંહે પટનામાં FIR નોંધાવી છે. ત્યારબાદ બિહાર પોલીસે પોતાની તપાસ હાથ ધરી છે. આ ફરિયાદ બાદ પહેલી વખત રિયા ચક્રવર્તી સામે આવી છે.

રિયા ચક્રવર્તીએ એક વિડીયો જાહેર કર્યો છે. જેમાં તે કહી રહી છે કે, 'મને કોર્ટ અને જ્યુડિસરી પર વિશ્વાસ છે અને મને ન્યાય મળશે. મીડિયામાં મારા અંગે ખોટી વાતો કહેવામાં આવી રહી છે. હું મારા વકીલની સલાહ લઈ રહી છું. સત્યમેવ જયતે'


જણાવી દઈએ કે રિયા ચક્રવર્તીએ ગુરુવારે સુપ્રીમ કોર્ટને જણાવ્યું હતું કે સુશાંત સિંહ રાજપૂતના પિતા કેકે સિંહે તેને ખોટી રીતે ફસાવી છે. આ સાથે તેનું કહેવું હતું કે તેમનો કેસ પટનાથી મુંબઈ ટ્રાન્સફર કરવામાં આવે કેમ કે મુંબઈમાં પહેલાથી જ આ કેસની તપાસ ચાલી રહી છે.

સુશાંતના પિતાએ જે ફરિયાદ નોંધાવી છે તેમાં રિયા અને તેમના પરિવાર પર એક્ટરને તેના પરિવારથી દૂર કરવાનો આરોપ લગાવ્યો છે. આ ઉપરાંત તેવો પણ આરોપ લગાવવામાં આવ્યો છે કે રિયાએ તેમના પુત્ર સાથે કોન્ટેક્ટ કરવાના દરેક રસ્તા બંધ કરી દીધા હતા. આ FIRમાં રિયા દ્વારા સુશાંતના એકાઉન્ટમાંથી 15 કરોડ કાઢી લીધા હોવાનો પણ ઉલ્લેખ છે.