Video: સંગીત સેરેમનીમાં મન મૂકીને નાચી રિચા ચઢ્ઢા, અલી ફઝલે કર્યો નાગિન ડાન્સ

બોલિવૂડ એક્ટર અલી ફઝલ અને રિચા ચઢ્ઢા તારીખ 4 ઓક્ટોબરે લગ્ન કરવાના છે. તેઓ અત્યારે પ્રી વેડિંગ સેરેમની એન્જોય કરી રહ્યા છે. હવે તેઓની સંગીત સેરેમનીનો વિડીયો વાયરલ થઈ રહ્યો છે. જેમાં અલી ફઝલ અને રિચા ચઢ્ઢા ખૂબ જ ખુશ જોવા મળી રહ્યા છે. તેઓ વિવિધ બોલિવૂડ ગીતો પર ડાન્સ કરતા જોવા મળી રહ્યા છે.

બોલિવૂડ એક્ટર રિચા ચઢ્ઢા અને અલી ફઝલ (Ali Fazal and Richa Chadha) જલદી જ લગ્ન કરવાના છે. તેઓની પ્રી-વેડિંગ સેરેમનનીની શરૂઆત થઈ ગઈ છે. રિચાના હાથમાં અલી ફઝલના નામની મહેંદી પણ રચાઈ ગઈ છે. તેની મહેંદીની ડિઝાઈન ફેન્સને ખૂબ જ પસંદ આવી રહી છે. જાણકારી મુજબ, રિચા ચઢ્ઢાની મહેંદી સેરેમની માટે રાજસ્થાનના 5 આર્ટિસ્ટને બોલાવાયા હતા. તેની હથેળીમાં અલીનો એ અને રિચાનો આર લખવામાં આવ્યો છે. સાથે જ અંગૂઠા પાસે નાનકડું મિકી માઉસ પણ બનાવ્યું છે.

બોલિવૂડ કપલ અલી ફઝલ અને રિચા ચઢ્ઢા લગ્નના બંધનમાં બંધાઈ જવાના છે. પાછલા ઘણાં વર્ષોથી તે રિલેશનશિપમાં છે. આ પહેલા પણ તેમણે ઘણી વાર લગ્ન કરવાની તૈયારી દર્શાવી હતી પરંતુ કોરોના અને લોકડાઉનને કારણે તેમણે તારીખ પાછી ઠેલવવી પડી હતી. અત્યારે તેમના લગ્નની ખૂબ ચર્ચા થઈ રહી છે.

અલી અને રિચા એક્ટ્રેસના ઘરે ચેપ્લિન જોઈ રહ્યા હતા ત્યારે રિચાએ પોતાનો પ્રેમ કબૂલ્યો હતો. જે બાદ અલીએ રિચાને 'આઈ લવ યુ' કહેવામાં ત્રણ મહિના લગાવ્યા હતા. પાંચ વર્ષ સુધી અલી અને રિચાએ પોતાના સંબંધને છુપાવીને રાખ્યો હતો. જોકે, વેનિસમાં 'વિક્ટોરિયા એન્ડ અબ્દુલ'ના પ્રીમિયર દરમિયાન કપલ હાથમાં હાથ નાખીને પહોંચ્યું હતું અને પોતાનો સંબંધ જાહેરમાં કબૂલ્યો હતો. માલદીવ્સમાં અલી અને રિચા વેકેશન ગાળી રહ્યા હતા ત્યારે એક્ટરે તેને પ્રપોઝ કરી હતી. અલીએ ડિનર પ્લાન કર્યું હતું અને એ દરમિયાન ઘૂંટણિયે બેસીને રિચાને લગ્ન માટે પ્રપોઝ કરી હતી. રિચા અને અલી તારીખ 4 ઓક્ટોબરે એકબીજાના થશે. તેમની વેડિંગ સેરેમની દિલ્હીમાં જ થશે. તેઓના લગ્નમાં પરિવારના સભ્યો અને નજીકના મિત્રો હાજરી આપશે. લગ્ન બાદ તેમનું રિસેપ્શન મુંબઈમાં થશે.