એનિવર્સરી પર રિદ્ધિમા કપૂરે ગણ્યા લગ્નજીવનના દિવસો, મમ્મી નીતૂ કપૂરે આપ્યા આશીર્વાદ

બોલિવુડના દિવંગત એક્ટર ઋષિ કપૂરની દીકરી રિદ્ધિમા કપૂર સાહની આજે 15મી વેડિંગ એનિવર્સરી સેલિબ્રેટ કરી રહી છે. આ ખાસ દિવસ પર રિદ્ધિમાએ તેના લગ્નના આલ્બમમાંથી કેટલીક જૂની તસવીરો શેર કરી છે અને પતિ ભરત સાહનીને વિશ કર્યું છે.


રિદ્ધિમાએ લખ્યું છે કે, '15 વર્ષ, 180 મહિના, 780 અઠવાડિયા, 5475 દિવસ, 7884000 મિનિટ અને ગણતરી કરી રહી છું...હેપી 'ક્રિસ્ટલ' એનિવર્સરી @brat.man #tothenext15years ♥️ ❤️ પ્રેમ અને ચુંબન'. રિદ્ધિમાએ જે તસવીરો શેર કરી છે, તેમાં તે લાલ લહેંગામાં જોવા મળી રહી છે. જ્યારે તેના પતિએ ઓફ-વ્હાઈટ શેરવાની પહેરી છે. તેની આ પોસ્ટ પર કોમેન્ટ કરીને ભાવના પાંડે, પૂજા મખીજા, અમૃતા અરોરા, આયેશા શ્રોફ, સોફી ચૌધરી સહિતના સેલેબ્સે અભિનંદન પાઠવ્યા છે.


રિદ્ધિમાના પતિ ભરતે પણ બંનેની તસવીર શેર કરીને એનિવર્સરી પર વિશ કર્યું છે. તેણે લખ્યું છે કે, 'તેઓ કહે છે કે, પહેલીવારમાં તમે સફળ નથી થતાં તો તમારી પત્ની જેમ કહે તેમ કરો. હેપી એનિવર્સરી. @riddhimakapoorsahniofficial 😍😘. અમારા માટે જે કર્યું તે માટે આભાર. #15 #happywife #happylife #happyme 🥳🤩🎉🥂🎂'.


નીતૂ કપૂરે પણ ઈન્સ્ટાગ્રામ પર દીકરી-જમાઈને એનિવર્સરી પર અભિનંદન પાઠવ્યા છે. તેમણે રિદ્ધિમાના લગ્નની એક તસવીર શેર કરીને લખ્યું છે કે, 'હેપી ક્રિસ્ટલ ટુ બોથ ઓફ યુ. આશીર્વાદ, પ્રેમ અને હગ'. કરીના કપૂરે પર રિદ્ધિમા અને તેના પતિની તસવીર શેર કરીને તેને શુભેચ્છા પાઠવી છે. તેણે લખ્યું છે કે, 'હેપ્પી એનિવર્સરી રિત્ઝ અને ભરત'. ઉલ્લેખનીય છે કે, રિદ્ધિમા અને ભરતના લગ્ન 2006માં થયા હતા.

રિદ્ધિમા કપૂરની વાત કરીએ તો, ગયા વર્ષના એપ્રિલ મહિનામાં પિતાનું નિધન થયું ત્યારથી તે તેની માતા પ્રત્યે ઘણી સપોર્ટિવ રહી છે. પિતાનું નિધન થયું તેના થોડા દિવસ બાદ તે દિલ્હીથી મુંબઈ આવી ગઈ હતી અને માતાનો ટેકો બની હતી. તે ઘણા મહિના સુધી મુંબઈમાં જ રહી હતી.

નવા વર્ષની ઉજવણી પણ રિદ્ધિમાએ પરિવાર સાથે કરી હતી. તે પતિ ભરત, દીકરી, મમ્મી નીતૂ, ભાઈ રણબીર, આલિયા ભટ્ટ, શાહિન ભટ્ટ અને સોની રાઝદાન સાથે રણથંભોર ગઈ હતી. જ્યાં બધાએ સાથે મળીને ફોરેસ્ટ લાઈફને માણી હતી.