તાજેતરમાં જ કપિલ શર્માના કોમેડી શો પર બોલિવુડ સ્ટાર ઋષિ કપૂર અને નીતુ કપૂર હાજર રહ્યા હતા. જ્યારે ઑડિયન્સમાં બેઠેલી એક મહિલાએ રણબીર કપૂર માટે તેની 23 વર્ષની દીકરીનું માંગુ નાંખ્યુ ત્યારે ઋષિ અને નીતુ અચંબામાં પડી ગયા હતા.
જો કે આ બંનેએ ઘણી જ નમ્રતાથી આ ઑફર ઠુકરાવી દીધી હતી અને જણાવ્યું કે આજકાલના બાળકો પોતાના પાર્ટનર પોતે જ પસંદ કરે છે અને આ મામલે પેરેન્ટ્સ કંઈ ખાસ બોલી પણ નથી શકતા.
આ મોકા પર ઋષિ કપૂરે ધીમા અવાજે એ પણ ફરિયાદ કરી હતી કે તેનો સ્ટાર પુત્ર પોતાના પ્રોબ્લેમ્સ તેની સાથે શેર નથી કરતો અને પોતાના કરતા તે પોતાની મમ્મીની સલાહ લેવાનું વધુ પસંદ કરે છે. જો કે તેમણે એમ પણ જણાવ્યું હતું કે ભવિષ્યમાં રણબીર તેની સાથે પણ પોતાના પ્રોબ્લેમ્સની ચર્ચા કરે.