આવી ગયું 'તાંડવ'નું ધમાકેદાર ટ્રેલર, PM બનવા માગે છે સૈફ અલી ખાન

વર્ષ 2021ની મોસ્ટ અવેઈટેડ વેબ સીરિઝ 'તાંડવ'નું ચાર જાન્યુઆરી એટલે કે સોમવારે ટ્રેલર રીલિઝ થઈ ચૂક્યું છે. સૈફ અલી ખાન, ડિમ્પલ કપાડિયા, તિગ્માંશુ ધુલિયા અને કુમુદ મિશ્રા જેવા સ્ટાર્સ ધરાવતી આ વેબ સીરિઝનું ડિરેક્શન અલી અબ્બાસ ઝફરે કર્યું છે. જેને હિમાંશુ કિશન મેહરા અને અલી અબ્બાસે પ્રોડ્યૂસ કરી છે. 'તાંડવ'ના ટીઝરની જેમ તેના ટ્રેલરને પણ દર્શકો ખૂબ જ પસંદ કરી રહ્યાં છે.

'તાંડવ' ટ્રેલરમાં તમે જોઈ શકો છો કે તેની સ્ટોરી બાકી પોલિટિકલ ફિલ્મ્સની જેમ જ ખુરશીની ભૂખની છે. જેને પામવા માટે ભલે ગમે તેટલી કિંમત ચૂકવી પડે. દરેક કેરેક્ટર ખુરશી અને પાવર મેળવવા માટે કોઈપણ હદ સુધી જઈ શકે છે. ખુરશીની લડાઈમાં સૈફ અલી ખાન અને ડિમ્પલ કપાડિયા વચ્ચે તીખી જંગ જોવા મળશે. સમગ્ર ટ્રેલરમાં સસ્પેન્સ છે કે આટલા તાંડવ પછી પણ કોને પાવર મળશે?



નવ એપિસોડની 'તાંડવ' 15 જાન્યુઆરીના રોજ એમેઝોન પ્રાઈમ વિડીયો પર રીલિઝ કરવામાં આવશે. આ ભારતમાં તેમજ 200 અન્ય દેશોના પ્રાઈમ સભ્યો માટે ઉપલબ્ધ રહેશે. વેબ સીરિઝમાં સુનીલ ગ્રોવર, ગૌહર ખાન, અમાયરા દસ્તૂર, મો.ઝિશાન અયૂબ, ડીનો મારિયો, અનૂપ સોની, હિતેન તેજવાની, જેવા અનેક કલાકાર મહત્વપૂર્ણ ભૂમિકામાં છે. નોંધનીય છે કે 'તાંડવ'થી અલી અબ્બાસ ઝફર અને ડિમ્પલ કપાડિયા ડિજિટલ ડેબ્યૂ કરી રહ્યાં છે.