લાડલા તૈમુર માટે સૈફ-કરિનાએ બનાવ્યો આવો નિયમ

I am Gujarat

ઈન્ટરનેટ સેન્સેશન છે તૈમુર

સૈફ અલી ખાન અને કરિના કપૂર ખાનનો લાડલો તૈમુર અલી ખાન ઈન્ટરનેટ સેન્સેશન બન્યો છે. સૈફ અને કરિનાનો લાડલો અનેકવાર ઈન્ટરનેશનલ ટ્રિપ સમયે તેમજ ફિલ્મના સેટ પર પણ જોવા મળે છે. જેથી તેઓ એકબીજા સાથે સારી રીતે સમય પસાર કરી શકે. જોકે, હવે સૈફ અને કરિનાએ તૈમુર માટે એક નિયમ બનાવ્યો છે.

બનાવ્યો આવો નિયમ

હવે સૈફ અલી ખાન અને કરિના કપૂર ખાને પોતાના બેબી બોય તૈમુર માટે એક નિયમ બનાવ્યો છે. સૂત્રોના જણાવ્યાનુસાર હવે તૈમુરની દેખરેખ રાખવા માટે સૈફ અલી ખાન અથવા કરિના કપૂર ખાન આ બન્નેમાંથી કોઈ એક તો હંમેશા તેની સાથે રહેશે જ.

રાખશે તૈમુરનું ધ્યાન

સૂત્રોના જણાવ્યા અનુસાર જો ક્યારેક એવું બને કે બન્નેનાં કામનું શેડ્યૂલ એકસાથે જ હોય તો તે દરમિયાન બન્નેમાંથી કોઈ એક તૈમુરને પોતાની સાથે લઈ જશે અને તેનું ધ્યાન રાખશે.

પ્રોજેક્ટમાં વ્યસ્ત ‘સૈફિના’

તાજેતરમાં જ જ્યારે કરિના શૂટિંગ પ્રોજેક્ટના કામમાં વ્યસ્ત હતી ત્યારે સૈફ અલી ખાન પોતાની અપકમિંગ ફિલ્મ ‘બાઝાર’ના પ્રમોશનમાં વ્યસ્ત હતો. આ દરમિયાન છોટે નવાબ તૈમુર બડે નવાબ સૈફ સાથે જોવા મળ્યો હતો.

આગામી ફિલ્મમાં મળશે જોવા

આ સાંભળીને તો એવું લાગી રહ્યું છે કે સૈફ અને કરિના એક સારા મોમ-ડેડની જેમ જ પોતાના લાડલા સાથે સમય પસાર કરવાની કોઈપણ તક ચૂકવા ઈચ્છતાં નથી. જો કામની વાત કરવામાં આવે તો સૈફ અલી ખાન પોતાની અપકમિંગ ફિલ્મ ‘બાઝાર’ના પ્રમોશનમાં વ્યસ્ત છે તો કરિના કપૂર પણ કરન જોહરના ડિરેક્શનમાં બનતી ‘તખ્ત’ અને અક્ષય કુમાર સ્ટારર ‘ગુડ ન્યૂઝ’માં જોવા મળશે.