અનલોક 1.0 લાગુ થયું ત્યારે સૈફ અલી ખાન, કરીના કપૂર અને તેનો દીકરો તૈમૂર અલી ખાન ઘર બહાર ફરવા નીકળ્યા હતા. તેઓ મરીન ડ્રાઈવ પર ગયા હતા. જેની કેટલીક તસવીરો અને વીડિયો પણ સામે આવ્યા હતા. જેમાં ત્રણેય માસ્ક વગર જોવા મળ્યા હતા. આ બાબતને લઈને યૂઝર્સે કપલને ખૂબ ટ્રોલ કર્યું હતું.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
હવે, અમારા સહયોગી મુંબઈ મિરર સાથે વાતચીત કરતાં એક્ટરે આ વિશે ખુલાસો કર્યો છે. તેણે કહ્યું કે, ‘તૈમૂર લાંબા સમયથી ઘરમાં બંધ હોવાથી તે અને કરીના તેને બહાર લઈ ગયા હતા. ત્રણેયે માસ્ક પહેર્યા હતા. પરંતુ તેમણે જોયું કે તેમની આસપાસ કોઈ ઉપસ્થિત નથી તો ત્રણેયે માસ્ક ઉતારી દીધા હતા’
‘પરંતુ અમે જોયું કે સામેથી લોકો આવી રહ્યા છે તો અમને કહેવામાં આવ્યું કે, બાળકોને બહાર લાવવાની મંજૂરી નથી. તો અમે માસ્ક પહેરીને ઘરે પાછા જતા રહ્યા. અમે જવાબદાર અને કાયદામાં માનનારા નાગરિક છીએ. અમે લોકડાઉન દરમિયાન પણ ઘરે જ હતા. હજુ પણ અમે માત્ર અમારા પરિવારના સભ્યોને જ મળીએ છીએ’.
મુંબઈમાં કોરોનાના કેસ ઝડપથી વધી રહ્યા છે. કેટલાક બોલિવુડ સેલેબ્સ અને તેમના સ્ટાફના સભ્યો પણ કોરોનાની ઝપેટમાં આવી રહ્યા છે. સારા અલી ખાનના ડ્રાઈવરને પણ કોરોના થયો હતો. જેના પર સૈફે કહ્યું કે, ‘કોરોના કોઈને પણ થઈ શકે છે. તેથી જ જરૂરી છે કે તમે ઘરે રહો’.
વર્કફ્રંટની વાત કરીએ તો સૈફ છેલ્લે ફિલ્મ ‘જવાની જાનેમન’માં જોવા મળ્યો હતો. આ ફિલ્મમાં તેની સાથે તબ્બુ અને અલાયા પણ હતી.
સુશાંતે નિધન બાદ ટ્વિટર પર આલિયા ભટ્ટને ફોલો કરી! યૂઝર્સ કરી રહ્યા છે દાવા